రాష్ట్రీయం
బాబువన్నీ అబద్ధాలే
S ,7 à 8 RSCA (si SASPAS) et 6 cialis pharmacie cialis rapports de stage.
నరసరావుపేట, డిసెంబర్ 16: రాష్ట్రంలో చంద్రబాబునాయుడి పాలన అబద్ధాలమయమైందని ప్రతిపక్ష నేత, వైయస్సార్‌సీపీ అధినేత వైఎస్ జగన్మోహన్‌రెడ్డి తీవ్రంగా విమర్శించారు. గుంటూరు జిల్లా నరసరావుపేటలో శుక్రవారం మాజీ మంత్రి కాసు వెంకటకృష్ణారెడ్డి తనయుడు కాసు మహేశ్‌రెడ్డి వైయస్సార్‌సీపీ చేరుతున్న సందర్భంగా ఏర్పాటు చేసిన బహిరంగ సభలో ఆయన మాట్లాడారు. ఈ సభకు జిల్లా కన్వీనర్ మర్రి రాజశేఖర్ అధ్యక్షత వహించారు. చంద్రబాబు నోరుతెరిస్తే అబద్ధాలు, మోసం అని అన్నారు. చంద్రబాబు రాష్ట్రాన్ని అడ్డగోలుగా అమ్ముతున్నారని తీవ్రంగా మండిపడ్డారు. చంద్రబాబు పాలనలో రైతులు, మహిళలు, విద్యార్థులు, వ్యాపారులు ఎవరూ సంతోషంగా లేరన్నారు. ఎన్నికల సమయంలో 200 హామీలను ఇచ్చిన బాబు ఇంతవరకు ఒక్క హామీని కూడా నెరవేర్చలేదన్నారు. రాష్ట్రాన్ని విడగొట్టిన చంద్రబాబు ప్రత్యేక హోదా విషయంపై ప్రధానిని నిలదీయలేకపోతున్నారని ఎద్దేవా చేశారు. ప్రధాని అంటే చంద్రబాబుకు వణుకని అన్నారు. ఒకవేళ ప్రత్యేక హోదా అడిగితే ప్రధాని సిబిఐ చేత ఎక్కడ విచారణ చేయిస్తారో అని భయపడి, అడగడం లేదన్నారు. రాష్ట్రంలో అవినీతి నెంబర్ వన్ స్థానంలో ఉందన్నారు. ఎన్నికలు ఎప్పుడు వచ్చినా చంద్రబాబునాయుడు పాలనను బంగాళాఖాతంలో కలుపుదామని పిలుపునిచ్చారు. తెలంగాణా సిఎం ఆంధ్రా నుండి నీళ్ళు తీసుకెళ్తుంటే అడిగే ధైర్యం చంద్రబాబుకు లేదన్నారు. ఒక వేళ అడిగితే ఓటుకు నోటు కేసుకు సంబంధించిన ఆడియో, వీడియో టేపులను బయటపెట్టి, జైల్లో పెడతారని భయపడి చంద్రబాబు నీటి విషయాన్ని అడగడం లేదన్నారు.
తొలుత కాసు మహేశ్‌రెడ్డికి పార్టీ కండువాను కప్పి సాదరంగా ఆహ్వానించారు. ఈ సభలో ఎమ్మెల్యేలు డాక్టర్ గోపిరెడ్డి శ్రీనివాసరెడ్డి, ముస్త్ఫా, కోన రఘుపతి, ఆళ్ళ రామకృష్ణారెడ్డి, ఎమ్మెల్సీ ఉమ్మారెడ్డి వెంకటేశ్వర్లు, అంబటి రాంబాబు, బొత్స సత్యనారాయణ, లేళ్ల అప్పిరెడ్డి, మాజీ మంత్రులు మోపిదేవి వెంకటరమణ, కావటి మనోహర్‌నాయుడు తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.