రాష్ట్రీయం
న్యాయ వర్శిటీలు పెరగాలి
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, డిసెంబర్ 17: దేశంలో న్యాయ విశ్వవిద్యాలయాలు పెరగాల్సి ఉందని సుప్రీంకోర్టు ప్రధాన న్యాయమూర్తి టిఎస్ ఠాకూర్ అన్నారు. దామోదరం సంజీవయ్య జాతీయ న్యాయ విశ్వవిద్యాలయం స్నాతకోత్సవంలో భాగంగా విశాఖ పోర్టు కళావాణి ఆడిటోరియంలో శనివారం నిర్వహించిన కార్యక్రమానికి ఆయన ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ భారతదేశంలో 18 న్యాయ విశ్వవిద్యాలయాలుండగా, ఇందులో 60వేల మంది విద్యార్థులు న్యాయ విద్యను అభ్యసిస్తున్నారన్నారు. ఇందులో కేవలం రెండువేల మంది మాత్రమే ఇటువంటి యూనివర్శిటీల్లో ఉన్నారన్నారు. అందువల్ల న్యాయ విశ్వవిద్యాలయాల సంఖ్య పెరగాలని, వీటిల్లో వౌలిక వసతులు కల్పించాల్సి ఉందన్నారు. న్యాయ విద్య పట్ల గతంలో చిన్నచూపు ఉండేదని, అయితే ఇది క్రమేపీ తగ్గుతూ వచ్చిందన్నారు. ఒకప్పుడు అన్ని అవకాశాలు చేజారిన తరువాతనే న్యాయవాద వృత్తి పట్ల ఆసక్తి చూపేవారన్నారు. అటువంటిది ఈ వృత్తిపట్ల ప్రత్యేక గౌరవం, ఆసక్తి పెరుగుతున్నాయన్నారు. విద్యార్థులు లా డిగ్రీ పూర్తిచేసిన తరువాత విదేశాల్లో కార్పొరేట్ సంస్థలు చూపే వేతనాలకు ఆకర్షితులు కాకుండా ఉత్తమ న్యాయ నిపుణులుగా ఎదగాలన్నారు. విశ్వవిద్యాలయాలలో లా ప్రొఫెసర్ల వేతనాలు రూ. 50వేల వరకు ఉంటే వీరి వద్ద న్యాయవిద్యను పూర్తిచేసే వారు బయటకొచ్చిన తరువాత నెలకు రూ. లక్ష, రెండు లక్షల వేతనాలిచ్చే సంస్థల పట్ల ఆకర్షితులు అవుతున్నారని ఆయన తెలిపారు. అలా కాకుండా న్యాయ విద్య బోధకులుగాను, ఇక్కడే అన్ని విధాలా పరిశోధనలు చేసే విధంగా ఆసక్తి చూపాల్సి ఉందన్నారు. అప్పుడు న్యాయ విశ్వవిద్యాలయాల్లో కూడా వేతనాలు పెరిగే అవకాశం ఉంటుందన్నారు. ఈ విధంగా న్యాయ నిపుణుల నుంచి తమ మాదిరిగా చీఫ్ జస్టిస్ స్థాయికి ఎగదాలన్నారు. అలాగే సీనియర్ల నుంచి అనుభవాలను నేర్చుకోవాలన్నారు. ఒక్క విశాఖలోనే కోర్టుల్లో 1500 మంది మహిళా న్యాయవాదులు ఉండటం గర్వించదగినదిగా ఆయన పేర్కొన్నారు. న్యాయ వ్యవస్థ పట్ల ముఖ్యమంత్రి చంద్రబాబు నాయుడుకు ప్రత్యేకమైన గౌరవం ఉందన్నారు. అందువల్లనే న్యాయపరమైన వాటన్నింటినీ ఒకే గొడుగు కిందకు తీసుకురావాలనే ఆయన లక్ష్యం అభినందనీయమన్నారు. రాష్ట్రం ఆర్థిక ఇబ్బందుల్లో ఉన్నా దామోదరం సంజీవయ్య జాతీయ న్యాయ విశ్వవిద్యాలయానికి రూ. 30 కోట్ల నిధులు మంజూరు చేయడం దీనిపట్ల ఉన్న ఆసక్తిని స్పష్టం చేస్తోందన్నారు.
చిత్రం.. దామోదరం సంజీవయ్య జాతీయ న్యాయ
విశ్వవిద్యాలయం స్నాతకోత్సవంలో మాట్లాడుతున్న సుప్రీంకోర్టు చీఫ్ జస్టిస్ ఠాకూర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.