రాష్ట్రీయం
నేత్రపర్వంగా బాలోత్సవ్
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం, డిసెంబర్ 18: బాలల సంబురం భద్రాద్రి బాలోత్సవ్ ఆదివారం భద్రాద్రి కొత్తగూడెం జిల్లా భద్రాచలంలోని బంగారు తెలంగాణ తల్లి ప్రాంగణంలో నేత్రపర్వంగా ప్రారంభమైంది. జాతీయస్థాయి ఈ బాలోత్సవానికి వివిధ రాష్ట్రాల నుంచి వచ్చిన చిన్నారులు తమ తమ ప్రతిభ విశేషంగా ప్రదర్శించారు. తానా, తాళ్లూరి పంచాక్షరయ్య ట్రస్ట్, ఐటిసి పిఎస్‌పిడి, ఆటా, తెలంగాణ సాంస్కృతిక మండలి ఆధ్వర్యంలో మొదలైన ఈ జాతీయ స్థాయి బాలోత్సవాన్ని స్థానిక ఎమ్మెల్యే సున్నం రాజయ్య, తాళ్లూరి పంచాక్షరయ్య ట్రస్టు కన్వీనర్ తాళ్లూరి పంచాక్షరయ్య, ప్రవాసాంధ్రులు తాళ్లూరి జయశేఖర్, రాజశ్రీకృష్ణ, బూసిరెడ్డి శంకర్‌రెడ్డి, చావా లక్ష్మీనారాయణ, మాగంటి సూర్యం, ఏగి సూర్యనారాయణ, శ్రీపూజ, శ్రీప్రియ తదితరులు జ్యోతి వెలిగించి ప్రారంభించారు. పశ్చిమ బెంగాల్, ఒడిశా, ఛత్తీస్‌గఢ్, ఆంధ్ర, తెలంగాణ రాష్ట్రాల నుంచి భారీగా బాలబాలికలు వచ్చి తమ ప్రతిభను ప్రదర్శించారు. కూచిపూడి, భరతనాట్యం, పేరిణి, చిత్రలేఖనం, వ్యాసరచన, మిమిక్రీ తదితర అంశాలలో పోటీలు జరిగాయి. వేషధారణలతో చిన్నారుల ప్రపంచం వెల్లివిరిసింది. ఈ సందర్భంగా ఎమ్మెల్యే సున్నం రాజయ్య మాట్లాడుతూ నేటి బాలలే రేపటి పౌరులని పేర్కొన్నారు. ఉన్నతంగా రాణించి దేశ భవిష్యత్‌కు బాటలు వేయాలని ఆకాంక్షించారు.
చిత్రం..నృత్య ప్రదర్శనతో అలరిస్తున్న పశ్చిమ బెంగాల్ చిన్నారులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.