రాష్ట్రీయం
కామాంధుడికి ఉరి
S ,7 à 8 RSCA (si SASPAS) et 6 cialis pharmacie cialis rapports de stage.
కరీంనగర్, డిసెంబర్ 22: అత్యాచారం, హత్య కేసులో కరీంనగర్ కోర్టు సంచలన తీర్పు వెలువరించింది. అభం శుభం తెలియని మూ డున్నరేళ్ల చిన్నారిపై అత్యాచారానికి ఒడిగట్టి అనంతరం హత్య చేసిన కామాంధుడు జక్కుల వెంకటస్వామి (30)కి గురువారం సాయంత్రం కరీంనగర్ మొదటి అదనపు జిల్లా సెషన్స్ కోర్టు న్యాయమూర్తి బి.సురేష్ ఉరిశిక్షను ఖరారు చేస్తూ తీర్పును వెలువరించారు.
కోర్టు తీర్పును మహిళా సంఘాలు స్వాగతిస్తూ హర్షం వ్యక్తం చేయగా, చిన్నారి కుటుంబ సభ్యుల్లో సైతం ఆనందం వెల్లివిరిసింది. ఈ సంచలన తీర్పుకు సంబంధించి ప్రాసిక్యూషన్ కథనం ప్రకారం వివరాలు ఇలా ఉన్నాయి. ఉమ్మడి కరీంనగర్ జిల్లాలోని కాటారం మండలం దామెరకుంటలో తొగరి రాజస్వామి భార్యాపిల్లలతో నివసిస్తూ కాటారం పోలీస్ స్టేషన్‌లో హోంగార్డుగా విధులు నిర్వహిస్తున్నాడు. అతని చిన్న కూతురు వినయ్‌శ్రీ (మూడున్నరేళ్లు) అదే గ్రామంలోని అంగన్‌వాడీ పాఠశాలలో చదువుకుంటోంది. అయితే, 2016 ఫిబ్రవరి 27న ఎప్పటిమాదిరిగానే చిన్నారి పాఠశాలకు వెళ్లి తిరిగి అక్క, అన్నతో కలిసి ఇంటికి వస్తుండగా, మధ్యాహ్న సమయంలో అదే గ్రామానికి చెందిన కామంతో కళ్లుమూసుకుపోయిన కామాంధుడు జక్కుల వెంటస్వామి ఇంటి ముందుకు రాగానే చాక్లెట్ల ఆశజూపి వినయ్‌శ్రీని పిలుచుకుని ఇంటిలోకి తీసుకెళ్లాడు. వినయ్‌శ్రీతో ఉన్న అక్క, అన్నలను వెంకటస్వామి భయపెట్టి అక్కడి నుండి పంపించివేశాడు. అనంతరం ఆ అభం శుభం తెలియని చిన్నారిపై వెంకటస్వామి అత్యాచారానికి పాల్పడ్డాడు. ఈ విషయం బయటకు పొక్కకుండా ఉండేందుకుగాను అనంతరం చిన్నారిని గొంతునులిమి హత్య చేశాడు. అయితే, చిన్నారి రాత్రైనా తిరిగి ఇంటికి రాకపోయేసరికి తల్లిదండ్రులు ఆందోళనకు గురై గ్రామమంతా వెతికారు. పక్కనే ఉంటున్న నిందితుడు వెంకటస్వామి ఇంటికి వెళ్లి చూడగా తాళం వేసి ఉంది. దీంతో అనుమానంతో ఇంటిలోని కిటికీ నుంచి లోనికి చూడగా ఇంట్లో మూలకు చిన్నారి గౌను కనిపించగా, తాళం పగులగొట్టి చూశా రు. గంప కింద బాలిక శవం కన్పించింది.
పోలీసులు నిందితుడిపై సెక్షన్ 302, 376 ఐపిసితోపాటు పోక్సో యాక్ట్ కింద కేసు నమోదు చేశారు. అప్పటి ఎఎస్‌పి విష్ణు వారియర్ ఆధ్వర్యంలో నిందితున్ని అరెస్ట్ చేసి కోర్టుకు పంపి, అనంతరం కోర్టులో చార్జిషీట్ దాఖలు చేసి 17మంది సాక్షులను కోర్టులో ప్రవేశపెట్టారు. ప్రాసిక్యూషన్ తరపున పబ్లిక్ ప్రాసిక్యూటర్ సురేందర్, నిందితుడి తరపున న్యాయవాది మధ్య వాదనలు ప్రతిపాదనలు జరిగాయి. చివరకు కేసు పూర్వాపరాలను పరిశీలించిన న్యాయమూర్తి బి.సురేష్ నిందితుడు జక్కుల వెంకటస్వామికి ఉరిశిక్షతోపాటు జరిమానా విధిస్తూ సంచలనమైన తీర్పును వెల్లడించారు.కేవలం పది నెలల వ్యవధిలోనే నిందితుడికి కోర్టు ఉరిశిక్ష ఖరారు చేస్తూ తీర్పునివ్వడం పట్ల మహిళా సంఘా లు హర్షం వ్యక్తం చేస్తున్నాయి. అటు చిన్నారి కుటంబసభ్యులు కూడా న్యాయం జరిగిందంటూ ఆనందం వ్యక్తం చేశారు. అయితే, నిందితుడు అరెస్ట్ అయినప్పటి నుంచి జైలులోనే ఉంటున్నాడు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.