రాష్ట్రీయం
భోగి పిడకలతో రికార్డుల్లోకి!
S ,7 à 8 RSCA (si SASPAS) et 6 cialis pharmacie cialis rapports de stage.
తణుకు, జనవరి 4: సంక్రాంతికి భోగిమంటలో వేసే భోగి పిడకలతో ఒక వ్యక్తి రికార్డు సృష్టించాడు. 3.2 లక్షల భోగి పిడకలతో నాలుగు కిలోమీటర్ల పొడవైన దండను రూపొందించడం ద్వారా తెలుగు బుక్ ఆఫ్ రికార్డ్స్‌లో స్థానం సంపాదించాడు. వివరాలిలావున్నాయి... పశ్చిమ గోదావరి జిల్లా తణుకుకు చెందిన అనుకుల ప్రసాద్ తెలుగు బుక్ ఆఫ్ రికార్డ్స్‌లో స్థానం కోసం భోగి పిడకల దండను రూపొందించాడు. తణుకు పట్టణంలోని చిట్టూరి ఇంద్రయ్య ప్రభుత్వ డిగ్రీ కళాశాల డాప్రాంగణంలో సోమవారం భోగి పిడకల దండను ప్రదర్శించాడు. 3.2 లక్షల పిడకలతో 4 కిలోమీటర్ల పొడవున ఏర్పాటుచేసిన ప్రదర్శన అందరినీ ఆకర్షిస్తోంది. ఈ సందర్భంగా ప్రసాద్ మాట్లాడుతూ సంక్రాంతి పర్వదినాల్లో ప్రత్యేక ప్రాధాన్యత ఉన్న భోగి మంటల నేపధ్యంలో ఈ పిడకలను ఎంతో కష్టపడి సేకరించినట్లు చెప్పారు. మన సంస్కృతిని పరిరక్షించడంతో పాటు పర్యావరణ పరిరక్షణకు పిడకలు దోహదపడతాయని ఆయన పేర్కొన్నారు. కాగా ఈ భారీ భోగి పిడకల ప్రదర్శనను తెలుగు బుక్ ఆఫ్ రికార్డు రాష్ట్ర పరిశీలకుడు డాక్టర్ సాయిశ్రీ పరిశీలించి ప్రసాద్‌కు సంస్థ తరపున అర్హతా పత్రాన్ని అందజేశారు. అనంతరం ఆయన మాట్లాడుతూ ఇంతకు ముందు లక్షా 62 వేల పిడకలతో రికార్డు ఉండగా, దానిని ఈ ప్రదర్శన అధిగమించిందని చెప్పారు. ఈ కార్యక్రమంలో జాతీయ ఉత్తమ ఉపాధ్యాయ అవార్డు గ్రహీత సుశర్మ, పారిశ్రామిక వేత్త గమిని రాజా తదితరులు పాల్గొన్నారు.
భారీ భోగి పిడకల దండ* ప్రసాద్‌కు అర్హతా పత్రాన్ని ఇస్తున్న డాక్టర్ సాయిశ్రీ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.