రాష్ట్రీయం
ఏపీ అదరహో!
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జనవరి 23: రాష్ట్రంలో పెట్టుబడుల కోసం తీసుకుంటున్న చర్యల వల్ల ప్రపంచంలో రాష్ట్రానికి ఒక గుర్తింపు లభించిందని ముఖ్యమంత్రి చంద్రబాబు నాయుడు అన్నారు. రాష్ట్రంలో పెట్టుబడులకు అనుకూలతపై విశ్వాసాన్ని పెంపొందించగలిగామన్నారు. దావోస్ పర్యటన ముగించుకుని విజయవాడ చేరుకున్న సందర్భంగా పర్యటన విశేషాలను వెలగపూడి సచివాలయంలో సోమవారం ఆయన విలేఖరులకు వివరించారు. దావోస్ సదస్సులలో 150 దేశాలకు చెందిన 3000 మంది ప్రతినిధులు పాల్గొన్నారని, ఇంటర్నెట్ ఫర్ ఆల్‌లో భాగంగా చేపట్టిన ఫైబర్ గ్రిడ్ ప్రాజెక్టు ప్రపంచానికే మోడల్‌గా మారిందన్నారు. మన జల సంరక్షణ చర్యలు కూడా గుర్తింపు పొందాయన్నారు. చెట్టు నుంచి విద్యుత్, నీరుపై
పరిశోధనలు జరుగుతున్నాయన్నారు. విమానం కన్నా వేగంగా వెళ్లే వాహనాలను రూపొందించే దిశగా ‘హైపర్ రూమ్’ పేరిట పరిశోధనలు జరుగుతున్నాయని తెలిపారు. శూన్యత కలిగిన ట్యూబ్‌లో ప్రయాణం ద్వారా ఇది సాధ్యం చేసేలా పరిశోధనలు సాగుతున్నాయన్నారు. ప్రపంచంలోనే నగదు రహిత లావాదేవీలు జరుగుతున్న రాష్ట్రంగా నవ్యాంధ్రకు గుర్తింపు లభించిందని చంద్రబాబు చెప్పారు. రాష్ట్రంలో రిఫైనరీ ఏర్పాటుపై త్వరలో మరింతగా చర్చలు జరపనున్నట్లు తెలిపారు. సైబర్ సెక్యూరిటీ, క్లౌడ్ మేనేజ్‌మెంట్‌పై మైక్రోసాఫ్ట్ ప్రతినిధి సత్య నాదెళ్లతో చర్చించానన్నారు. వైద్యం, విద్యుత్ రంగాల్లో పరిస్థితి మరింత మెరుగుకు కొన్ని సంస్థలు ముందుకొచ్చాయన్నారు. వైద్య పరికరాల తయారీ, మైనింగ్‌కు కూడా కొన్ని సంస్థలు ముందుకొచ్చాయన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.