రాష్ట్రీయం
ఏపి అంటే మాకు ఇష్టం
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, జనవరి 27: ఆంధ్రప్రదేశ్ అంటే కేంద్రానికి ప్రత్యేకమైన అభిమానం ఉందని కేంద్ర ఆర్థిక మంత్రి అరుణ్ జైట్లీ అన్నారు. రెండు రోజులపాటు విశాఖలో జరగనున్న సిఐఐ భాగస్వామ్య సదస్సు శుక్రవారం ప్రారంభమైంది. ప్రారంభోత్సవ సభలో మంత్రి జైట్లీ మాట్లాడుతూ ఏపితో కేంద్రానికి ప్రత్యేక అనుబంధం ఉందని, అది ఎప్పటికీ కొనసాగుతుందని అన్నారు. రాష్ట్ర విభజన వలన ఏపి చాలా ఒడిదుడుకులను ఎదుర్కోవలసి వస్తోందన్న విషయాన్ని కేంద్రం గుర్తించిందని చెప్పారు. ఎన్ని సమస్యలున్నప్పటికీ డబుల్ డిజిట్ గ్రోత్ సాధించి ఏపి దేశంలోనే నెంబర్ వన్ స్థానంలో నిలిచిందని జైట్లీ ప్రశంసించారు. భారత ప్రభుత్వం గత రెండేళ్లలో చేపట్టిన సంస్కరణలు దేశ ముఖ చిత్రానే్న మార్చేశాయని అన్నారు. సంస్కరణలకు ప్రజల మద్దతు కూడా లభించిందని ఆయన చెప్పారు. ప్రపంచ ఆర్థిక వ్యవస్థ అనేక సవాళ్లను ఎదుర్కొంటున్న సమయంలో భారత ప్రభుత్వం ధైర్యంగా సంస్కరణలను ప్రవేశపెట్టిందని జైట్లీ చెప్పారు. పారిశ్రామికరంగానికి పెద్దపీట వేసి, పెట్టుబడిదారులకు రెడ్ కార్పెట్ వేశామని వివరించారు. జన్‌ధన్ ఖాతాలు, జిఎస్‌టి, పెద్ద నోట్ల రద్దు వంటి సాహసోపేత నిర్ణయాలు దేశ పురోభివృద్ధికి మార్గాన్ని సుగమం చేస్తున్నాయన్నారు. ఏపిలో మానుఫ్యాక్చరింగ్, అగ్రికల్చర్ రంగాల్లో పెట్టుబడులు పెట్టడానికి మంచి అవకాశాలు ఉన్నాయని ఆయన చెప్పారు. విభజన సమయంలో కేంద్రం ఇచ్చిన హామీలన్నీ నెరవేర్చడానికి కేంద్రం సిద్ధంగా ఉందన్నారు. ఏపికి అదనంగా ఏంకావాలన్నా ఇస్తామని జైట్లీ హామీ ఇచ్చారు.
చిత్రం..జ్యోతి ప్రజ్వలన చేస్తున్న కేంద్ర ఆర్థిక మంత్రి జైట్లీ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.