రాష్ట్రీయం
కాపు-బలిజ పోటీ పూజలు
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, జనవరి 29: కాపు-బలిజల పోటా పోటీ పూజలకు రాష్ట్రంలోని దేవాలయాలు వేదిక కానున్నాయి. కాపులకు బీసీ హోదా కల్పించాలంటూ తునిలో జరిపిన కాపుగర్జన, ఆ సందర్భంగా జరిగిన రైళ్లు, పోలీసుస్టేషన్ల దహనానికి నేటికి ఏడాది కానుంది. ఆ సందర్భంగా కాపునేత ముద్రగడ, బలిజ నేతలు ఒవి రమణ, శివశంకర్‌బాబు ఇచ్చిన పోటాపోటీ పూజల పిలుపు కాపు-బలిజ వర్గాల్లో గందరగోళం రేపుతున్నాయి.
తాము అడగకపోయినా, ఎన్నికల్లో ఇచ్చిన బీసీ హామీని గుర్తు చేసినందుకు కాపులను అణచివేస్తున్న బాబుకు మంచి బుద్ధి ప్రసాదించాలని కోరుతూ, తుని ఘటనకు ఏడాదయిన సందర్భంగా కాపు-బలిజ-ఒంటరి కులాలవారంతా అన్ని దేవాలయాల్లో పూజలు చేయాలని ముద్రగడ ఒక బహిరంగ లేఖ రాశారు. ఈ మేరకు రాష్ట్రంలోని కాపు వర్గాలు సోమవారం ఉదయం దేవాలయాల్లో ప్రత్యేక పూజలకు సిద్ధమవుతున్నాయి. అయితే, ముద్రగడ పిలుపునకు పోటీగా బలిజ నేతలు కూడా అలాంటి పిలుపునే ఇవ్వడం ఆసక్తికరంగా మారింది. కాపులను చీల్చి, వారిని వైఎస్సార్ కాంగ్రెస్ పార్టీకి దాసోహం చేసేందుకు ప్రయత్నిస్తున్న ముద్రగడకు మంచి బుద్ధి ప్రసాదించి, అందరం కలసి సిఎం వద్దకు వెళ్లి ఒత్తిడి చేసేలా మంచి బుద్ధి ప్రసాదించేలా చూడాలంటూ రాయలసీమతోపాటు నెల్లూరు, ప్రకాశం జిల్లా బలిజలు కూడా దేవాలయాలకు వెళ్లి పూజలు నిర్వహించాలని ఏపి బలిజ యునైటెడ్ ఫ్రంట్ కన్వీనర్ ఓ.వి.రమణ, బలిజనాడు కన్వీనర్ బి.శివశంకర్‌బాబు పిలుపునివ్వడం రసవత్తరంగా మారింది. కాగా, విధ్వంసం జరిగిన సందర్భాన్ని కూడా రాజకీయం చేసి, దానికి దేవాలయాలకు వెళ్లి పూజలు చేయడం ఏమిటో అర్ధం కావడం లేదని ఏపి బలిజ యునైటెడ్ ఫ్రంట్ కన్వీనర్ రమణ ఆశ్చర్యం వ్యక్తం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.