రాష్ట్రీయం
ప్రముఖ చిత్రకారుడు, నాటకకర్త అబ్బూరి గోపాలకృష్ణ కన్నుమూత
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం (కల్చరల్), జనవరి 31: విశాఖ నగర సాహితి, సాంస్కృతిక, విద్యా రంగాల్లో తనదైన విశిష్ట ముద్ర వేసిన అబ్బూరి గోపాలకృష్ణ (80) మంగళవారం ఎంవిపి కాలనీలోని ఆయన నివాసంలో కన్నుమూశారు. గత కొంతకాలంగా ఆయన అస్వస్థులుగా ఉన్నారు. అబ్బూరి మార్చి 2, 1937లో విశాఖలో జన్మించారు. 13వ ఏటనే ఆయన విజయనగరంలో చిత్రలేఖనంలో ప్రఖ్యాతులైన అంట్యాకుల పైడిరాజు వద్ద నాలుగేళ్లు విద్య అభ్యసించారు. ఎయులో 1997లో థియేటర్ ఆఫ్ ఆర్ట్స్ విభాగాధిపతిగా పదవీ విరమణ చేశారు. విలక్షణ వ్యక్తిత్వంతో లలిత కళా అకాడమి, ఎపి నృత్య అకాడమి, భారత కళాపరిషత్‌కు వ్యవస్థాపక సభ్యుడిగా వ్యవహరించారు. అఖిల భారత హస్తకళల సంస్థకు డిజైనర్‌గా, ఎయు బోర్డు ఆఫ్ స్టడీస్ అధ్యక్షుడిగా ఆయన పని తీరు ఆదర్శనీయమైంది. విశాఖ మ్యూజియం, ఆకాశవాణి కేంద్ర స్థాపనలో ఆయన తన ఉనికిని చాటుకున్నారు. మృచ్ఛకటికం, కన్యాశుల్కం, వీరభోజ్య వసుంధర వంటి నాటకాలకు కాస్ట్యూమ్ డిజైన్ చేశారు. తాళ్లపాక అన్నమాచార్యుని యక్షగాన సంప్రదాయ రీతులపై పరిశోధన వ్యాసం సమర్పించారు. 36 మంది రీసెర్చి స్కాలర్లకు మార్గదర్శనం చేశారు. ఆయన లయ, ఇంటర్వ్యూ, స్వాతంత్య్రం వంటి 9 నాటకాలు రాశారు. వీటిలో ‘తిజకి యమదర్శనం’ నాటకం కన్నడ భాషలో సుమారు వంద ప్రదర్శనలకు నోచుకుంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.