రాష్ట్రీయం
శారదాపీఠంలో వనదుర్గ యాగం
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఫిబ్రవరి 5: విశా ఖ శ్రీశారదాపీఠంలో శ్రీవనదుర్గ అమ్మవారి యాగం ఆదివారం అత్యంత వైభవంగా జరిగింది. పీఠాధిపతి శ్రీస్వరూపానందేంద్ర సరస్వతి మహాస్వామి అమ్మవారి యాగంలో పాల్గొన్నారు. దేశ ప్రజ ల హితం కోసం నిర్వహిస్తున్న ఈ కార్యక్రమంలో శ్రీస్వరూపానందేంద్ర సరస్వతి మహాస్వామి భక్తులను ఉద్దేశించి అనుగ్రహ భాషణం చేశారు. పాలకులు, ప్రజలు సుభిక్షంగా ఉండాలని కాంక్షిస్తూ, దేశంపై ఏలినాటి శని ప్రభావం పడకుండా ఉండేందుకు అన్ని గ్రహాలకు అధిదేవత వనదుర్గ మాతకు మహాకుంభాభిషేకం నిర్వహిస్తున్నట్టు స్వరూపానంద స్వామి తెలిపారు. భారత జాతి సర్వసుభిక్షంగా ఉండాలని, రెండు తెలుగు రాష్ట్రాల్లో ప్రభుత్వాలు, ప్రజలు సుఖ శాంతులతో జీవించాలని, ప్రకృతిపరంగా ఎటువంటి విపత్కర పరిస్థితులు తలెత్తకుండా ఉండాలని కోరుతూ నవగ్రహ దేవత వనదుర్గకు హోమం చేస్తున్నట్టు పేర్కొన్నారు. ప్రభుత్వాధినేతలు మంచి పాలన అందిస్తున్నప్పటికీ భగవంతుని అనుగ్రహం కోసం ఇటువంటి వేద కార్యక్రమాలు నిర్వహించడం ద్వారా మంచి ఫలితాలు చేకూరుతాయన్నారు. మూడో రోజు కార్యక్రమం లో బ్యాడ్మింట న్ క్రీడాకారిణి పివి సింధు, కోచ్ గోపీచంద్ దంపతులు, బ్యాడ్మింటన్ అసోసియేషన్ అధ్యక్షుడు చాముండేశ్వరీనాథ్, హైకోర్టు న్యాయమూర్తులు సీతారామమూర్తి, దుర్గాప్రసాద్, రాజమండ్రి ఎంపి మురళీమోహన్ ప్రత్యేక పూజలు చేశారు.
చిత్రం..శారదాపీఠంలో బ్యాడ్మింటన్ క్రీడాకారిణి పివి సింధు తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.