రాష్ట్రీయం
8న కృష్ణా బోర్డు సమావేశం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 5: ఒక వైపు తరుముకొస్తున్న వేసవి, మరో వైపు రబీ సీజన్ తుది దశకు చేరుకోవడంతో రెండు రాష్ట్రాల్లో నీటి విడుదలకు ప్రభుత్వంపై ఆయకట్టు రైతుల వత్తిడి. ఈ రెండు డిమాండ్‌ల మధ్య నీటివాటాల కేటాయింపుకోసం కృష్ణా నదీ యాజమాన్య బోర్డు (కెఆర్‌ఎంబి) ఈ నెల 8వ తేదీన హైదరాబాద్ సమావేశం నిర్వహించనుంది. రెండు రాష్ట్రాల మధ్య రెండు నెలలుగా తమ వాటా నీరు తమకు వెంటనే కేటాయించాలని లేఖల యుద్ధం నడించింది. దీంతో కృష్ణా బోర్డు ఈ నెల 8వ తేదీ బుధవారం హైదరాబాద్ లో రెండు రాష్ట్రాల ఇరిగేషన్ శాఖ నిపుణులు, ఇం జనీర్ ఇన్ చీఫ్‌లతో సమావేశం ఏర్పాటు చేసింది. ఈ సమావేశంలో తాడోపేడో తేల్చుకునే దిశగా తెలంగాణ ప్రభుత్వం సిద్ధమవుతుంది. కాగా ఆంధ్రప్రదేశ్ రాష్ట్రం తమకు తక్షణమే 16 టిఎంసిల నీటిని నాగార్జునసాగర్ నుంచి వదలాలని కృష్ణా బోర్డుకు తాజాగా లేఖ రాసింది. ఆంధ్రప్రదేశ్ ఇప్పటికే 25 టిఎంసిల నీటిని అధికంగా వాడుకుందని, ఆ మేరకు 25 టిఎంసి నీటిని విడుదల చేయాలని తెలంగాణ ప్రభుత్వం బోర్డును కోరింది. ‘ఈ సారి సమావేశం చాలా కీలకమైంది. తెలంగాణాకు అధికారికంగా ఖరారైన నిష్పత్తి మేరకు నీటి కేటాయింపులు జరపాలని బోర్డును కోరాం. దీనిపై పట్టుబట్టనున్నాం. మంచినీరు, రబీ సీజన్‌కు మా వాటా మాకు కేటాయించాలని బోర్డు కు నిర్మొహమాటంగా తెలియచేయనున్నాం ’ అని తెలంగాణ ఇరిగేషన్ ఇంజనీర్ ఇన్ చీఫ్ మురళీధర్ తెలిపారు. కృష్ణా జలాల్లో తమ వాటా తమకు విడుదల చేయాలంటూ రెండు రాష్ట్ర ప్రభుత్వాలు బోర్డుకు గత నెల రోజుల్లో మూడు సార్లు లేఖలు రాశాయి. ఆంధ్రప్రదేశ్ ఇరిగేషన్ ఇంజనీర్ ఇన్ చీఫ్ వెంకటేశ్వరరావు మాట్లాడుతూ తమకు 16 టిఎంసిల నీరు అత్యవసరంగా విడుదల చేయాలని బోర్డు ను కోరుతూ శనివారం లేఖ రాశారు. గుంటూరు, ప్రకాశం జిల్లాల్లో పంటలకు 12 టిఎంసిల నీరు, మంచినీటికి 4టిఎంసిల నీరు కావాలని కోరారు. ఐదు టిఎంసిల నీటిని అదనంగా తెలంగాణ వాడుకుందని ఏపిఆరోపిస్తోంది. బచావత్ ట్రిబ్యునల్ ఆంధ్రప్రదేశ్‌కు 811 టిఎంసిలు కేటాయించింది. ఇందులో ఆంధ్ర వాటా 512 టిఎంసిలు తెలంగాణ వాటా 299 టిఎంసిలు. కృష్ణా బేసిన్‌లో నీటి లభ్యతను బట్టి నీటి వినియోగం ఉండాలనే సూత్రానికి కట్టుబడి ఉండాలని మొదటి నుంచి కృష్ణా బోర్డు నీటి నిపుణులు ఇరు రాష్ట్రాలకు సూచిస్తున్నారు. ప్రస్తుతం శ్రీశైలంలో 77.86 టిఎంసిలు, నాగార్జునసాగర్‌లో 140.49 టిఎంసిల నీరు ఉంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.