రాష్ట్రీయం
పంపకాలపై పంచాయితీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 8: ఆస్తుల పంపకాలకు సంబంధించి ఉమ్మడి గవర్నర్ నరసింహన్ సమక్షంలో గురువారం ఆంధ్ర, తెలంగాణ మంత్రులు మరోసారి సమావేశం అవుతున్నారు. ఈనెల 1న రెండు రాష్ట్రాల మంత్రుల సమావేశం గవర్నర్ వద్ద జరిగిన విషయం తెలిసిందే. ఏపీ పునర్విభజన చట్టంలో 9, 10 షెడ్యూల్‌లోని వివిధ సంస్థల కార్యాలయాల ఆస్తులు, అప్పులు, ఉద్యోగుల పంపకంపై రెండున్నరేళ్లుగా అపరిష్కృతంగా ఉన్న సమస్యలపై సమావేశంలో మరోసారి చర్చిస్తారు. ఇప్పటికే మొత్తం 12 సంస్ధలకు సంబంధించి రెండు రాష్ట్రాల మధ్య ఏకాభిప్రాయం కుదిరింది. ఇందులో 9 బీసీ కులాలకు చెందిన సంస్ధలు, మూడు పరిశ్రమ, వాణిజ్య సంస్థలున్నాయి. 9వ షెడ్యూల్‌లోని నారుూ బ్రాహ్మణ సహకార సంఘ సమాఖ్య, రజక సహకార సమాఖ్య, ఫుడ్ ప్రాసెసింగ్ యూనిట్, సాగర సహకార సంఘం, వాల్మీకి బోయ సహకార సంఘం, కృష్ణ బలిజ పూసల సహకార సంఘం, భట్రాజ, సహకార సంఘం, మేదర సహకార సంఘం, కల్లు గీత కార్మికుల సహకార సంఘం, విశ్వ బ్రాహ్మణ సహకార సంఘం, కుమ్మరి శాలివాహన సహకార సంఘాల విభజనపై ఏకాభిప్రాయానికి వచ్చారు. ఆంధ్రకు కేటాయించిన నాల్గవ తరగతి ఉద్యోగులు వెయ్యిమందిని తెలంగాణకు బదలాయించే విషయమై కూడా చర్చ జరగనుంది. కీలకమైన ఆర్టీసీ, ఉన్నత విద్య మండలి తదితర సంస్థల విభజనపై గురువారం రెండు రాష్ట్రాల మంత్రులు చర్చించనున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.