రాష్ట్రీయం
పార్టీలు, కోటీశ్వరుల్ని నమ్ముకోలేదు!
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, ఫిబ్రవరి 9: తన ఎదుగుదలను అడ్డుకోవడం ద్వారా రాజకీయ భవిష్యత్తును పొందాలనుకున్న వారికి ప్రజలే గుణపాఠం చెబుతారని, తానెప్పుడూ ప్రజలనే నమ్ముకున్నానని తెలంగాణ రాష్టమ్రంత్రి తుమ్మల నాగేశ్వరరావు పేర్కొన్నారు. తన 35ఏళ్ళ రాజకీయ జీవితంలో తానున్న పార్టీల్లోని నేతలు కూడా తన ఎదుగుదలను అడ్డుకునే ప్రయత్నం ద్వారానే రాజకీయ భవిష్యత్తు సాధించుకునే ప్రయత్నం చేశారని, చేస్తున్నారని సంచలన ప్రకటన చేశారు. సత్తుపల్లి మండలం తుంబూరులో గురువారం జరిగిన సభలో ఆయన మాట్లాడుతూ తన రాజకీయ జీవితంలో ప్రతినిత్యం తనను బదనాం చేసేవారు, అంతర్గతంగా తనపై కుట్రలు చేసేవారు ఉన్నారని, వారిని ప్రజాబలంతోనే ఎదుర్కొంటున్నానన్నారు.
తన ఎదుగుదలను అడ్డుకుంటేనే వారికి రాజకీయ భవిష్యత్తు ఉంటుందని భావిస్తూ తనపై అంతర్గతంగా కుట్రలు చేస్తున్నారని ఆవేదన వ్యక్తం చేశారు. అనవసరమైన, అసందర్భమైన అంశాలను ప్రస్తావిస్తూ ఆరోపణలు గుప్పిస్తున్నారని దుయ్యబట్టారు. తాను కోటీశ్వరులను, రాజకీయ పార్టీలను నమ్ముకోలేదని, ప్రజలనే నమ్ముకున్నానని స్పష్టం చేశారు. వారి అభివృద్ధి కోసమే అనునిత్యం ప్రయత్నిస్తానని, వారి అండతోనే తాను ఈ స్థాయికి ఎదిగానని వెల్లడించారు. ఇదిలా ఉండగా తుమ్మల ప్రకటన ఖమ్మం, భద్రాద్రి కొత్తగూడెం జిల్లాలో సంచలనం కలిగించింది. దశాబ్దాల కాలంగా ఎప్పుడూ చేయని విధంగా ప్రత్యర్థులపై ఆరోపణలు గుప్పించడం రాజకీయవర్గాల్లో కలకలం రేపింది. రెండు జిల్లాల పరిధిలో గురువారం అన్నిచోట్ల ఈ అంశంపైనే చర్చ జరుగుతుండటం గమనార్హం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.