రాష్ట్రీయం
హైందవ ధర్మమే ఆదర్శం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 12:్భరతదేశ సంస్కృతి, సంప్రదాయాలు ప్రపంచానికే ఆదర్శమైనవని ఆధ్యాత్మిక బౌద్ధగురువు దలైలామా అన్నారు. ఆదివారం ఆయన ఇక్కడ (హైటెక్ సిటీ) దక్షిణాసియాకు కేంద్రంగా ఉండే ‘దలైలామా సెంటర్ ఫర్ ఎథిక్స్ అండ్ ట్రాన్స్‌ఫర్మేటివ్ వాల్యూస్’ భవనానికి శంకుస్థాపన చేశారు. ఈ సందర్భంగా ‘సంప్రదాయాలు-విలువలు, మంచితనంతో మనుగడ’ అంశంపై మాట్లాడుతూ భారతదేశం పుణ్యభూమి అని, తరతరాల నుండి నైతిక విలువలు, నీతి, ధర్మం, న్యాయం గురించి విశ్వానికే బోధించిన దేశమని ఆయన కొనియాడారు. భూతాపాన్ని అరికట్టేందుకు ప్రపంచ దేశాలన్నీ కలసికట్టుగా కృషి చేయాలని పిలుపునిచ్చారు. మత సామరస్యానికి భారతదేశం పెట్టింది పేరని, ఈ దేశంలో నివసిస్తున్న ముస్లింలకు పూర్తి భద్రత ఉందని దలైలామా అన్నారు. ఇక్కడి ముస్లింలు ఇతర మతస్థులతో కలిసి సహజీవనం సాగించడం గమనార్హమన్నారు. ప్రపంచంలోని దేశాల మధ్య సత్సంబంధాలు ఉండాలని దలైలామా పిలుపు ఇచ్చారు. రెండు పొరుగు దేశాల మధ్య గోడలాంటి కట్టడాలు కడితే బంధాలు తెగిపోతాయన్నారు. అమెరికా అధ్యక్షుడు డోనాల్డ్ ట్రంప్ ప్రకటించిన విధంగా యుఎస్‌ఎ-మెక్సికో దేశాల మధ్య గోడ కట్టడం వల్ల ప్రయోజనం ఉండబోదని, అందుకు బదులుగా రెండు దేశాల మధ్య సమస్యలు ఉంటే చర్చల ద్వారా పరిష్కరించుకోవాలన్నారు. యూరోపియన్ యూనియన్‌లో వివిధ దేశాలున్నాయని, వాటి మధ్య ఐకమత్యాన్ని స్ఫూర్తిగా తీసుకోవాలని సూచించారు. యూరోపియన్ యూనియన్ మాదిరిగానే ఆఫ్రికన్ యూనియన్, లాటిన్ అమెరికా ఏర్పాటై అభివృద్ధిపథంలో నడవవచ్చన్నారు. ఆసియాలో పెద్దదేశాలైన భారత్-చైనా కూడా ఒక యూనియన్‌గా ఏర్పడితే బాగుంటుందన్నారు. ప్రపంచంలోని దేశాలన్నీ ఒక యూనియన్‌గా ఏర్పడితే విశ్వశాంతి ఏర్పడుతుందని సూచించారు. 21వ శతాబ్దిని చర్చల శతాబ్దిగా మార్చుకోవాలని కోరారు.
ఉచితంగా స్థలం-ఐదు కోట్లు:కెటిఆర్
దక్షిణాసియాకు కేంద్ర బిందువుగా దలైలామా సెంటర్ ఫర్ ఎథిక్స్‌ను హైదరాబాద్‌లో ఏర్పాటు చేయాలని నిర్ణయించడం పట్ల తెలంగాణ రాష్ట్ర పరిశ్రమలు, ఐటి మంత్రి కె తారకరామారావు హర్షం వ్యక్తం చేశారు. ఈ భవనం కోసం అవసరమైన స్థలాన్ని ఉచితంగా ఇస్తున్నామని, అలాగే భవన నిర్మాణానికి ఐదుకోట్ల రూపాయలు విరాళంగా ఇస్తామని ప్రకటించారు. భారత్‌లోని యువతను సామాజిక సేవకులుగా రూపొందించేందుకు, వర్తమాన, భవిష్యత్తులో ఉన్నతభావాలు, ఆదర్శాలు కలిగిన నాయకులుగా రూపొందించాల్సిన అవసరం ఉందని, ఇందుకోసం దలైలామా కేంద్రం ఉపయోగపడాలని కెటిఆర్ ఆకాంక్షించారు.
గవర్నర్ నరసింహన్, ఉప ముఖ్యమంత్రి మహమూద్ అలీ తదితరులు కూడా ఈ కార్యక్రమంలో పాల్గొన్నారు.
చిత్రం..హైదరాబాద్‌లో ‘దలైలామా సెంటర్ ఫర్ ఎథిక్స్ అండ్ ట్రాన్స్‌ఫర్మేటివ్ వాల్యూస్’ భవనానికి శంకుస్థాపన అనంతరం మాట్లాడుతున్న దలైలామా
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.