రాష్ట్రీయం
అమరావతికి ఐటీ కంపెనీల రాక
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 13: ఎపి రాజధాని అమరావతికి ఐటి కంపెనీలు తరలి వస్తున్నాయి. ఈ నెల 16 న ఏడు సంస్థలు విజయవాడలోని ఆటోనగర్‌లో తమ కార్యాలయాలను ప్రారంభించేందుకు ఏర్పాట్లు చేసుకున్నాయి. వీటి ద్వారా తొలుత 500 మంది యువతకు ఉపాధి లభించబోతోంది. ఈ నెల 16 న ప్రారంభం కాబోతున్న సంస్థల్లో యాక్సెల్ ఐటి, హారిజాన్ ఐటి, అడ్వాన్ సాఫ్ట్ (చికాగో), ఎంఎస్‌ఆర్ కాస్మోస్, అడెప్ట్ సొల్యూషన్స్, ఇంటెల్లిసాఫ్ట్, టైమ్‌స్క్వేర్ ఐటి ఉన్నాయి. ఈ సంస్థలు తొలుత 500 నుండి 600 మంది నిరుద్యోగ యువతను తమ సంస్థల్లో ఉద్యోగులుగా చేర్చుకునేందుకు కసరత్తు పూర్తి చేశాయి. మరో 15 సంస్థలు ఇంజనీరింగ్, టెక్ అభ్యర్థులకు స్కిల్ డెవలప్‌మెంట్ కోసం శిక్షణ ఇచ్చేందుకు ముందుకువచ్చాయి. ఈ సంస్థల్లో శిక్షణ తర్వాత సదరు అభ్యర్థులకు అత్యుత్తమ ఐటి కంపెనీల్లో ఉద్యోగాలు లభిస్తాయని సంబంధిత వర్గాలు వెల్లడించాయి. అమరావతికి రాబోతున్న శిక్షణ సంస్థల్లో పది హైదరాబాద్ నుండి, ఐదు బెంగళూరు నుండి వస్తున్నాయి. ఎపి నాన్ రెసిడెంట్ తెలుగు సొసైటీ చీఫ్ ఎగ్జిక్యూటివ్
ఆఫీసర్ రవికుమార్ వేమూరు మాట్లాడుతూ, దాదాపు మూడు వేలమంది ఇంజనీరింగ్ అభ్యర్థులకు శిక్షణ ఇవ్వబోతున్నట్టు చెప్పారు. విజయవాడ సమీపంలోని ‘మేథా టవర్స్’ను ఇప్పటివరకు ఏ ఐటి సంస్థ కూడా వినియోగించుకోలేదు. ఇప్పుడు స్పానిష్‌కు చెందిన ఐటి సంస్థ యాంటోలిన్ తమ కార్యాలయాన్ని మేథా టవర్స్‌లో ప్రారంభించబోతోంది. ఆటోమోటివ్, ఇంటీరియర్ డిజైన్ సాఫ్ట్‌వేర్ టెక్నాలజీలో ఇది ప్రత్యేక సంస్థగా పేరు తెచ్చుకుంది. మరో విదేశీ సంస్థ నెస్లోవా సిస్టమ్స్‌తోపాటు మన దేశానికే చెందిన హెచ్‌సిఎల్ కూడా మేథా టవర్స్‌లో తమ కార్యాలయాలను ప్రారంభించేందుకు ఏర్పాట్లు చేస్తున్నాయి. ఈ సంస్థలు దాదాపు 1000 మందికి ఉపాధి కల్పించే అవకాశం ఉంది. ఇప్పటికే హెచ్‌సిఎల్ సంస్థ ఉద్యోగుల నియామకం కోసం వివిధ ఇంజనీరింగ్ కాలేజీలను సంప్రదించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.