రాష్ట్రీయం
ఎపి మరో సిలికాన్ వ్యాలీ
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఫిబ్రవరి 17: రానున్న కాలంలో ఆంధ్రప్రదేశ్ మరో సిలికాన్ వ్యాలీగా తయారవుతుందనడంలో సందే హం లేదని ముఖ్యమంత్రి చంద్రబాబునాయుడు అన్నారు. విజయవాడ ఆటోనగర్‌లోని ఐటి సర్వీస్ టెక్‌పార్క్‌లో శుక్రవారం 8 ఐటి కంపెనీలను ఆయన ప్రారంభించారు. అనంతరం మాట్లాడుతూ ఇప్పటికే విశాఖపట్నంలో 9 ఐటి కంపెనీలు వచ్చాయని, విజయవాడలో 20 ఐటి కంపెనీలు వచ్చాయని, రాబోయే కాలంలో వీటి సంఖ్య మరింత పెరిగే అవకాశం ఉందనీ అన్నారు. ఈ సర్వీస్ సెంటర్‌లో శిక్షణతోపాటు ఉద్యోగాలు కల్పిస్తామని తెలిపారు. ఎపిఎన్‌ఆర్‌టి ద్వారా ఐటి సర్వ్ అలెయన్స్ కింద రాణించే వారిని ఇక్కడికి తీసుకువచ్చి కంపెనీలు ప్రారంభిస్తున్నందుకు అభినందించారు. ఈ ప్రాంతంలో చదువుకున్న వారు ప్రపంచం నలుమూలల ఉన్న ఐటి కంపెనీలలో పని చేస్తున్నారని, వారిని తిరిగి తాము పుట్టిన ప్రాంతంలో కంపెనీలు ప్రారంభించడానికి ఆహ్వానిస్తున్నామన్నారు.
ప్రపంచ రాజధానీ నగరాల్లో అమరావతి ప్రముఖ స్థానం పొందేలా ప్రణాళికలు రూపొందిస్తున్నామన్నారు. ప్రపంచంలో ఏ దేశంలో లేని విధంగా భారతదేశంలో ఆధార్ నెంబర్‌ను పౌరులకు ఇవ్వడం ద్వారా ఒక గుర్తింపు వచ్చిందన్నారు. దీనిద్వారా ఒక సెకన్‌లోనే వేలిముద్రల ద్వారా ఒక మనిషి వివరాలు తెలుసుకోవచ్చని, దీనిని మనం అభివృద్ధి కోసం, సంక్షేమ పథకాల కోసం ఉపయోగించుకుంటున్నామన్నారు. దీనిని 8 వేల కోట్లు ఖర్చుచేసి అభివృద్ధి చేశామన్నారు. రాష్ట్రంలో లోటు బడ్జెట్ ఉన్నా సంక్షేమ పథకాలు అపలేదన్నారు. రేషన్‌లో ఆధార్ నెంబర్ ఉపయోగించడం వల్ల 11 శాతం, 20 శాతం స్కాలర్‌షిప్స్ ద్వారా ఆదా అయ్యిందని, మొత్తంగా ఆధార్ నెంబర్ ఉపయోగించడం వల్ల 10 శాతం రాష్ట్ర ప్రభుత్వ ఆదాయం ఆదా అయ్యిందన్నారు.
రాబోయే కాలంలో రాష్ట్ర వ్యాప్తంగా అన్ని గృహాలకు 15 ఎంబిపిఎస్ స్పీడ్‌తో పైబర్‌గ్రిడ్ ద్వారా కనెక్షన్స్ ఇస్తామని తెలిపారు. ఇప్పటికే 10 లక్షల సెట్‌టాప్ బాక్స్‌లు తెప్పించామన్నారు. ఆంధ్రప్రదేశ్‌లో రాబోయే కాలంలో అన్ని అన్‌లైన్ సర్వీసులకే వెళుతున్నామన్నారు. హైదరాబాద్‌లో ఉన్న హైటెక్ సిటీ కంటే మెరుగైన టెక్నాలజీని ఆంధ్రప్రదేశ్‌కు తెస్తామని, జూన్‌లో విజయవాడలో ఎన్‌టిఆర్ కాంప్లెక్స్‌లో హార్డ్‌వేర్ టెక్నాలజీని రూ.200 కోట్లతో 106 షాపుల ద్వారా ఏర్పాటు చేస్తామన్నారు. హార్ట్‌వేర్ సామగ్రి కోసం ప్రపంచ నలుమూలల నుంచి విజయవాడకు వచ్చేలాగా తీర్చిదిద్దనున్నట్లు తెలిపారు. ఒక బెస్ట్ ఎకోపార్క్ ఏర్పాటు చేస్తామని చెప్పారు. గతంలో హైదరాబాద్‌ను నాలెడ్జ్ హాబ్‌గా చేయడానికి అధిక ప్రాముఖ్యం ఇచ్చానని, భవిష్యత్తులో అమరావతిలో ఐటిని భారీఎత్తున ప్రమోట్ చేయనున్నట్లు చెప్పారు. మైక్రోసాఫ్ట్ అధినేత బిల్‌గేట్స్‌ను కలసి ల్యాప్‌టాప్ ద్వారా పవర్ పాయింట్ ప్రజంటేషన్ ఇవ్వడంలో ఆయన ముగ్ధుడయ్యారని, అనాడే హైదరాబాద్‌లో మైక్రోసాఫ్ట్ కేంద్రం పెట్టాలని కోరానని, దాని ఫలితంగానే హైదరాబాద్‌లో మైక్రోసాఫ్ట్ సెంటర్ ఏర్పాటయ్యిందన్నారు.
చిత్రం..విజయవాడలో శక్రవారం ఐటి కంపెనీలను ప్రారంభించిన అనంతరం మాట్లాడుతున్న ముఖ్యమంత్రి చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.