రాష్ట్రీయం
పోస్ట్ఫాసుల్లో పాస్‌పోర్ట్ సేవా కేంద్రాలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 18: పాస్‌పోర్టుల జారీ ప్రక్రియలో హైదరాబాద్ ప్రాంతీయ కార్యాలయం ఉత్తమ కార్యాలయంగా పేరుతెచ్చుకుందని ప్రాంతీయ పాస్‌పోర్టు అధికారి డాక్టర్ ఇ.విష్ణువర్ధన్ రెడ్డి తెలిపారు. పాస్‌పోర్టుల జారీ ప్రక్రియకు సంబంధించి ప్రపంచ వ్యాప్తంగా మన దేశానికి మూడో స్థానం వచ్చినట్లు ఆయన వివరించారు.
నగరంలోని బేగంపేటలో శనివారం జరిగిన విలేఖర్ల సమావేశంలో ఆయన మాట్లాడుతూ త్వరలోనే అన్ని పోస్ట్ఫాసుల్లో పాస్‌పోర్టు సేవా కేంద్రాలను ఏర్పాటు చేస్తున్నామని, ఇందుకు సంబంధించిన అనుసంధాన ప్రక్రియ కొనసాగుతోందని వివరించారు. ఈ ప్రక్రియ మార్చి కల్లా ముగిసి, ఆ తర్వాత తెలంగాణలోని మహబూబ్‌నగర్, వరంగల్, అలాగే ఆంధ్రప్రదేశ్‌లోని కర్నూలు, కడప జిల్లాల్లోని పోస్ట్ఫాసుల్లో ఈ పాస్‌పోర్టు సేవా కేంద్రాలను ఏర్పాటు చేస్తామని తెలిపారు. పోస్ట్ఫాసుల్లో పాస్‌పోర్టు సేవా కేంద్రాలను ఏర్పాటు చేసి దరఖాస్తుదారుల కష్టాలను తగ్గించేందుకు విదేశీ వ్యవహారాల మంత్రిత్వ శాఖ, తపాలా శాఖ ఓ అవగాహన ఒప్పందాన్ని కుదుర్చుకుని పోస్ట్ఫాసుల్లో ఈ సేవలను అనుసంధానం చేస్తున్నాయని ఆయన వివరించారు. 2016, 2015 సంవత్సరాల్లో దేశంలో అత్యధికంగా పాస్‌పోర్టులు జారీ చేయటంలో హైదరాబాద్ ప్రాంతీయ పాస్‌పోర్టు కార్యాలయం రెండో స్థానాన్ని దక్కించుకుందని తెలిపారు. పోలీసు ధ్రువీకరణకు సగటున హైదరాబాద్ ప్రాంతీయ పాస్‌పోర్టు కార్యాలయం తీసుకుంటున్న గడువు అయిదు రోజులని, దేశంలోనే అత్యంత వేగంగా తాము పాస్‌పోర్టులను జారీ చేస్తున్నామని విష్ణువర్ధన్‌రెడ్డి తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.