రాష్ట్రీయం
బజాజ్ కమిటీ వైఖరేమిటి?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 18: ఆంధ్ర, తెలంగాణ రాష్ట్రాల్లో కృష్ణా, గోదావరి జలాల పంపకంపై అధ్యయనం చేసేందుకు వచ్చిన ఎకె బజాజ్ కమిటీ తీరు తెలంగాణ ప్రయోజనాలకు భంగం కలిగించేలా ఉందంటూ తెలంగాణ ప్రభుత్వం కేంద్ర జలవనరుల శాఖకు ఫిర్యాదు చేసింది. ఈమేరకు రాష్ట్ర సాగు నీటిపారుదల శాఖ సలహాదారు ఆర్ విద్యాసాగర్‌రావు ఆధ్వర్యంలో నిపుణులు కేంద్ర జలవనరుల మంత్రిత్వ శాఖకు లిఖిత పూర్వకంగా వినతిపత్రం అందించారు. కేంద్ర జలవనరుల మంత్రిత్వశాఖ కార్యదర్శి అమృత్ సింగ్‌ను కలిసి బజాజ్ కమిటీ విషయంలో తెలంగాణ రాష్ట్ర వైఖరి వివరించామని, పరిశీలిస్తామని హామీ ఇచ్చినట్టు ఆర్ విద్యాసాగర్‌రావు ఆంధ్రభూమికి తెలిపారు.
గోదావరి జలాలను పట్టిసీమ ద్వారా కృష్ణా డెల్టాకు మళ్లిస్తున్న ఆంధ్రప్రదేశ్ తీరును ఎకె బజాజ్ కమిటీకి వివరించామని, కాని తమ పరిధిలోకి రాదన్నట్టుగా మాట్లాడారన్నారు. ‘నీటి కేటాయింపులను ట్రిబ్యునల్ కేటాయిస్తుంది. కేంద్రం ఆదేశిస్తే మేము పరిశీలిస్తాం. మేము కేంద్రం నియమించిన కమిటీమాత్రమేనని ఎకె బజాజ్ తెలంగాణ రాష్ట్ర సాగునీటి నిపుణులకు తెలియచేసిన విషయం తెలిసిందే. బజాజ్ కమిటీ విధి విధానాలపై టర్మ్స్ ఆఫ్ రెఫరెన్స్‌లోనే లోపాలున్నట్టు కనపడుతోందని, దీనిపై కేంద్ర జలవనరుల మంత్రిత్వ శాఖ స్పష్టత ఇవ్వాల్సి ఉందని తెలంగాణ ప్రభుత్వం కేంద్రాన్ని కోరింది. గోదావరి జలాలను కృష్ణా బేసిన్‌కు ఏపీ మళ్లించి వినియోగించుకుంటుంటే, ఆమేరకు తెలంగాణ కృష్ణా జలాల్లో దక్కాల్సిన అదనపు జలాలు 45 టిఎంసిపై కేంద్రం స్పష్టత ఇవ్వాల్సి ఉంటుందని తెలంగాణ ప్రభుత్వం కేంద్రం దృష్టికి తీసుకెళ్లింది.
అదనంగా 45 టిఎంసి జలాలను ఆంధ్రప్రదేశ్ విభజన చట్టం మేరకు ఏర్పాటైన కృష్ణా బోర్డు కేటాయిస్తుందా? లేదా ప్రస్తుతం జలవనరుల శాఖ నియమించిన బజాజ్ కమిటీ అధ్యయనం చేసి సిఫార్సు చేస్తుందా? అని కేంద్రాన్ని తెలంగాణ కోరింది. గోదావరి జలాల మళ్లింపును పట్టించుకోని బజాజ్ కమిటీ, తెలంగాణ రాష్ట్రం చిన్నతరహా సాగునీటి వనరుల వినియోగంపై లెక్కలు అడిగిందని, ఇది బజాజ్ కమిటీకి ఇచ్చిన టర్మ్స్ ఆఫ్ రెఫరెన్స్‌లో లేదని తెలంగాణ ప్రభుత్వం వాదిస్తోంది. ఈ ఏడాది దాదాపు 53 టిఎంసి గోదావరి నీటిని కృష్ణా డెల్టాకు ఆంద్ర మళ్లించింది. గోదావరి జలాల ఒప్పందం ప్రకారం మళ్లించిన నీటిలో 65 శాతం వరకు అంటే 35 టిఎంసి నీరు ఎగువునున్న తెలంగాణకు నాగార్జునసాగర్ నుంచి అదనంగా డ్రా చేసే హక్కు తమకుందని కేంద్రానికి తెలంగాణ స్పష్టం చేసింది.
బజాజ్ కమిటీ నివేదిక వచ్చిన వెంటనే పరిశీలించి ఏపి, తెలంగాణ ప్రభుత్వాల అభ్యంతరాలను అడిగి తెలుసుకుంటామని కేంద్ర జలవనరుల మంత్రిత్వ శాఖ ఇక్కడి నుంచి వెళ్లిన సాగునీటి నిపుణుల బృందానికి తెలిపింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.