రాష్ట్రీయం
ఆ డ్రైవర్‌కు లైసెనే్స లేదా?
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, మార్చి 3: ప్రకాశం జిల్లాలో గురువారం తెల్లవారుజామున ప్రమాదానికి గురైన బస్సును నడిపిన డ్రైవర్‌కు అసలు లైసెనే్స లేదా? డ్రైవర్ పొంతన లేని సమాధానాలు ఈ అనుమానానికి బలం చేకూరుస్తున్నాయి. లైసెన్స్ ఉందా అనడిగితే ఇంట్లో ఉందని ఒకసారి, ఎక్కడో పెట్టానని మరోసారి చెబుతుండటంతో అసలు లైసెనే్స లేదని అధికారులు అనుమానిస్తున్నారు. పీసీ పల్లి మండలం పెదఅలవలపాడు వద్ద జరిగిన ఈ ప్రమాదంలో అదృష్టవశాత్తూ ప్రాణనష్టం లేకపోయినా, 47 మంది విద్యార్థులు గాయపడిన సంగతి తెలిసిందే. శుక్రవారం సాయంత్రం వరకు డ్రైవర్ లైసెన్స్ చూపించలేదు. మరో ఆశ్చర్యకరమైన విషయం ఏమిటంటే బస్సులో సీటింగ్ సామర్థ్యం 40 కాగా 80 మందితో ఆ బస్సు బయలుదేరింది. చిన్నారులు సీట్ల మధ్య ఇరుక్కుని కూర్చోవాల్సి వచ్చింది. ప్రమాదం అనంతరం రవాణాశాఖ జాయింట్ కమిషనర్ ఎస్‌ఎవి ప్రసాదరావు, ఇతర ఉన్నతాధికారులు విజయవాడ నుంచి సంఘటనా స్థలానికి వెళ్లి విచారణ జరిపారు. ఉలవపాడు మండలం కరేడులోని పోతల వెంకట సుబ్బయ్య శ్రేష్టి జడ్‌పి ఉన్నత పాఠశాల నుంచి ఆ బస్సు 28 తేదీ రాత్రి బయలుదేరింది. తిరుగు ప్రయాణంలో ఈ నెల 2న బస్సు ప్రమాదానికి గురైంది. ఒకే డ్రైవర్ విశ్రాంతి లేకుండా బస్సు నడపటం కూడా ఈ ప్రమాదానికి కారణంగా చెప్పవచ్చు. డ్రైవర్ ఎస్‌కె కాలేషా వెళ్లేటప్పుడు కందుకూరు సమీపంలోని తన స్వస్థలం నుంచి తన కుమార్తెను వెంట తీసుకెళ్లి తిరుగు ప్రయాణంలో అర్ధరాత్రి ఒంటిగంట ప్రాంతంలో తన గ్రామం సమీపంలో రోడ్డుపైన బస్సు నిలిపి తన కుమార్తెను ఇంటికి తీసుకెళ్లి, వచ్చే సమయంలో ఒక మహిళను వెంట తీసుకువచ్చినట్టు తెలిసింది. ఆ మహిళను తన పక్కన కూర్చోబెట్టుకుని బస్సు నడుపుతుండగా తెల్లవారుజామున మూడు గంటల ప్రాంతంలో బస్సు బోల్తాపడింది. ఆ తర్వాత అక్కడకు చేరిన పోలీసులు ఆ మహిళ ఎవరని ప్రశ్నిస్తే తన భార్య అంటూ డ్రైవర్ బుకాయించాడు. అయితే కొంతసేపటికి అసలు భార్య అక్కడకు చేరుకుని విస్తుపోయింది. ఈవిడ ఎవరు అంటూ భర్తను నిలదీయగా అతనికి నోట మాట రాలేదు. డ్రైవర్‌కు బ్రీత్ అనలైజర్ పరీక్ష చేసి, వైద్యాధికారులతో పరీక్ష జరిపించి ఎఫ్‌ఐఆర్‌లో ఆ అంశాన్ని కూడా పొందుపరిచామని అధికారులు చెబుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.