రాష్ట్రీయం
తండ్రి మృతితో రాజకీయాల్లోకి..
S ,7 à 8 RSCA (si SASPAS) et 6 cialis pharmacie cialis rapports de stage.
కర్నూలు/ నంద్యాల, మార్చి 12: చిన్న వయసులో తప్పనిసరి పరిస్థితుల్లో ఫ్యాక్షన్ రాజకీయాల్లోకి అడుగుపెట్టిన భూమా నాగిరెడ్డి (54) కర్నూలు జిల్లా రాజకీయాల్లో కీలక నేతగా ఎదిగారు. ఆయన అండ ఉంటే చాలు అని పార్టీల అధినేతలు సైతం ఆలోచించే స్థాయికి ఎదిగిన నాగిరెడ్డి ఆకస్మిక మృతి ప్రజలను కలచివేసింది. తాను చెప్పింది చేయడానికి ఎంత దూరం వెళ్లడానికైనా వెనుకాడరన్న పేరు సంపాదించుకున్న భూమా నాగిరెడ్డి రాజకీయాల్లో తనకంటూ ప్రత్యేక గుర్తింపు పొందారు. కర్నూలు జిల్లా ఆళ్లగడ్డ అసెంబ్లీ నియోజకవర్గ పరిధిలోని దొర్నిపాడు మండలం డబ్ల్యు.కొత్తపల్లె గ్రామంలో 1964 జనవరి 8వ తేదీ భూమా బాలిరెడ్డి, ఈశ్వరమ్మ దంపతులకు జన్మించిన నాల్గవ సంతానమే భూమా నాగిరెడ్డి. నాగిరెడ్డి చదువులో మంచి ప్రతిభ కనబరిచేవాడు. అయితే అప్పటికే కోవెలకుంట్ల, ఆళ్లగడ్డ ప్రాంతాల్లో ఫ్యాక్షన్ రాజకీయాలతో సంబంధం కలిగి ఉన్న బాలిరెడ్డి తన కుమారుడు నాగిరెడ్డిని రాజకీయాలకు దూరంగా ఉంచాలన్న ఉద్దేశంతో చెన్నైలోని ఒక ప్రైవేటు పాఠశాలలో 11వ తరగతిలో చేర్పించారు. అనంతరం వైద్య విద్యను అభ్యసించడానికి భూమాను బెంగళూరుకు పంపారు. అయితే బాలిరెడ్డి ప్రత్యర్థుల చేతిలో హత్యకు గురికావడంతో నాగిరెడ్డి చదువు మధ్యలోనే ఆపేసి తిరిగి వచ్చేశారు. భూమా నాగిరెడ్డికి ముగ్గురు సోదరులు. భాస్కర్‌రెడ్డి, ప్రతాపరెడ్డి, శేఖర్‌రెడ్డి. ఆళ్లగడ్డ ఎమ్మెల్యేగా శేఖర్‌రెడ్డి ప్రత్యక్ష ఎన్నికల్లో గెలుపొందినప్పుడు 1984లో భూమా నాగిరెడ్డి రుద్రవరం మండలం నరసాపురం సింగిల్‌విండో అధ్యక్షుడిగా రాజకీయ అరంగేట్రం చేశారు. 1986లో ఆళ్లగడ్డ మండలాధ్యక్షుడిగా పనిచేస్తున్న భూమా భాస్కర్‌రెడ్డి గుండెపోటుతో మృతిచెందడంతో భూమా నాగిరెడ్డి ఆళ్లగడ్డ ఎంపిపిగా ఎన్నికయ్యారు. అనంతరం తన సోదరుడు భూమా శేఖర్‌రెడ్డి కూడా గుండెపోటుతో మృతిచెందడంతో తొలిసారిగా 1992లో ఆళ్లగడ్డ అసెంబ్లీకి జరిగిన ఉప ఎన్నికల్లో భూమా నాగిరెడ్డి ఎమ్మెల్యేగా ఎన్నికయ్యారు. అప్పటి నుంచి సుదీర్ఘకాలం పాటు తెలుగుదేశం పార్టీలో నారా చంద్రబాబునాయుడుతో కలిసి పనిచేశారు. నాగిరెడ్డి 1996, 98, 99 ఎన్నికల్లో నంద్యాల పార్లమెంట్ సభ్యులుగా ఎన్నికయ్యారు. రెండుసార్లు ఆళ్లగడ్డ ఎమ్మెల్యేగా, ఒకసారి నంద్యా ల ఎమ్మెల్యేగా ఎన్నికయ్యారు. టిడిపిలో ఎన్టీఆర్ నమ్మిన వ్యక్తిగా గుర్తింపు పొందిన భూమా నాగిరెడ్డి ఆ తరువాత చంద్రబాబు వద్ద కూడా అదే తరహాలో ప్రాధాన్యత పొం దారు. ఆళ్లగడ్డ రాజకీయాల్లో తనదంటూ ముద్రవేసిన భూమా నాగిరెడ్డి నంద్యాల రాజకీయాల్లో కూడా తనసత్తా చాటి తనకంటూ ఒక వర్గాన్ని ఏర్పరచుకుని నంద్యాల కేంద్రంగా రాజకీయంలో రాటుదేలారు. మొదట్లో టిడిపిలో ఉన్నప్పటికీ మాజీ మంత్రి ఎన్‌ఎండి ఫరూక్‌తో పోటీ పడుతూ వర్గపోరుకు తెరలేపి నంద్యాలలో ఎంపి నిధులతో పలు అభివృద్ధి పనులు చేపట్టి నంద్యాల ప్రజల గుండెల్లో చెరగని ముద్ర వేశారు. మూడుసార్లు ఎంపిగా ఎన్నిక కావడమే కాక 1996లో జరిగిన సార్వత్రిక ఎన్నికల్లో అప్పటి ప్రధాని పివి నరసింహారావుపై టిడిపి అభ్యర్థిగా పోటీ చేసి ఓడినప్పటికీ మంచిపేరు సాధించుకున్నారు. అనంతర కాలంలో భూమా నాగిరెడ్డి కుటుంబానికి టిడిపి అధినేత నారా చంద్రబాబునాయుడు అన్ని రకాలుగా అండగా నిలుస్తూ అన్నింట్లోనూ ఆయనకు ప్రాధాన్యత ఇచ్చేవారు. 2009లో జరిగిన సార్వత్రిక ఎన్నికల్లో ఆళ్లగడ్డ ఎమ్మెల్యే పదవికి ప్రజారాజ్యంపార్టీ తరఫున పోటీ చేసి ఓడిపోయారు. అలాగే ఆయన సతీమణి నంద్యాల ఎంపిగా ప్రజారాజ్యంపార్టీ తరఫున పోటీ చేసి ఓటమి పాలయ్యారు.
చిత్రం.. తండ్రి, ఎమ్మెల్యే భూమా నాగిరెడ్డి మృతదేహం వద్ద కూతురు వౌనిక, కుమారుడు జగత్‌విఖ్యాత్‌రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.