రాష్ట్రీయం
విష వాయువులు పీల్చి ఐదుగురి దుర్మరణం
S ,7 à 8 RSCA (si SASPAS) et 6 cialis pharmacie cialis rapports de stage.
భీమవరం, మార్చి 30: పశ్చిమ గోదావరి జిల్లా మొగల్తూరులోని ఒక రొయ్యల ప్రాసెసింగ్ యూనిట్‌లో గురువారం వెలువడిన విష వాయువులు పీల్చి ఐదుగురు కార్మికులు మృతిచెందారు. ప్లాంటులోని వ్యర్థ పదార్థాల ట్రీట్‌మెంట్ ప్లాంటు ట్యాంకును శుభ్రంచేసే ప్రయత్నంలో ఈ విషాద ఘటన చోటుచేసుకుంది. మొగల్తూరు గ్రామం నల్లంవారితోటలోని ఆనంద గ్రూపునకు చెందిన ఆక్వా ప్రాసెసింగ్ ప్లాంటులో ఉదయం 10 గంటల సమయంలో ఐదుగురు కార్మికులు వ్యర్ధ పదార్ధాల ట్రీట్‌మెంట్ (రీసైక్లింగ్) యూనిట్ వద్దకు వెళ్లారు. అక్కడి ట్యాంకును శుభ్రపరచడానికి లోనికి దిగిన కార్మికుడు కేకలు వేయడంతో ఏం జరిగిందోనని ఒకరి తర్వాత ఒకరుగా మిగిలిన నలుగురు కూడా లోనికి దిగారు. ట్యాంకులోని విష వాయువుల ప్రభావంతో ఐదుగురూ ట్యాంకులోనే అపస్మారక స్థితిలో పడిపోయారు. దీన్ని గమనించిన సహచర కార్మికులు హుటాహుటిన వారిని వెలుపలికి తీసుకొచ్చారు. అప్పటికే వారు మృతిచెందారు. మృతుల్లో ఈదా ఏడుకొండలు (25), తోట శ్రీనివాస్ (25), బొడ్డు రాంబాబు (27), జక్కంశెట్టి ప్రవీణ్ (22), నల్లం ఏడుకొండలు (18) ఉన్నారు. ప్రమాద సమాచారం తెలుసుకున్న మృతుల బంధువులతోపాటు వివిధ ప్రజా, కులసంఘాల నేతలు కూడా అక్కడకు చేరుకున్నారు. మృతుల బంధువులతో కలిసి ఆందోళనకు దిగారు. మృతదేహాల తరలింపును అడ్డుకున్నారు. ఆ సమయంలోనే కొందరు ఆందోళనకారులు ఒక్కసారిగా విధ్వంసానికి దిగారు. ప్లాంటుపై రాళ్లు రువ్వడంతో అద్దాలు ధ్వంసమయ్యాయి. ప్లాంటు బయట ఉన్న వస్తువులు, పరికరాలను ధ్వంసంచేశారు. రొయ్యల ప్రాసెసింగ్ ప్లాంటులోని ట్రీట్‌మెంటు ప్లాంటు ట్యాంకులోని విషవాయువుల కారణంగానే మరణాలు సంభవించి ఉంచవచ్చని ఫ్యాక్టరీల విభాగం డిప్యూటీ చీఫ్ ఇన్‌స్పెక్టర్ మోహనరావు తెలిపారు.
ప్లాంటు మూసివేస్తాం: మంత్రి సుజాత
ఆక్వా ప్రాసెసింగ్ ప్లాంటులో ప్రమాదానికి గురైన మృతిచెందిన ఐదుగురి కుటుంబాలను అన్నివిధాలా ఆదుకుంటామని రాష్ట్ర స్ర్తి, శిశుసంక్షేమ, గనుల శాఖ మంత్రి పీతల సుజాత ప్రకటించారు. మృతుల కుటుంబాలకు ఒక్కొక్కరికి రూ.25 లక్షల వంతున పరిహారం చెల్లిస్తామన్నారు. ఆక్వా ప్రాసెసింగ్ ప్లాంటులో మృతిచెందిన ఐదుగురి మృతదేహాలను నరసాపురం ప్రభుత్వాసుపత్రిలో మంత్రులు సుజాత, మాణిక్యాలరావు, అయ్యన్నపాత్రుడు పరిశీలించారు. మృతుల కుటుంబాలను పరామర్శించారు. ఈసందర్భంగా మంత్రి సుజాత విలేఖర్లతో మాట్లాడారు. ఐదుగురి మృతికి కారణమైన ఆనందా ఆక్వా ఫుడ్స్ ప్రాసెసింగ్ ప్లాంటును మూసివేస్తామని ప్రకటించారు. యాజమాన్యం నిర్లక్ష్యం వల్లే ఈ ప్రమాదం సంభవించిందన్నారు.
చిత్రం.. మృతదేహాల వద్ద రోదిస్తున్న బంధువులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.