రాష్ట్రీయం
రౌడీలను రానీయొద్దు
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఏప్రిల్ 11: ‘మీ అభీష్టాన్ని అనుసరించి పాలన సాగిస్తున్నాను. మీరు సుఖ శాంతులతో ఉండటానికి నిరంతరం పనిచేస్తున్నాను. కాబట్టి మళ్లీ నాకు సహకరించాల’ని ముఖ్యమంత్రి చంద్రబాబు నాయుడు ప్రజలకు విజ్ఞప్తి చేశారు. అనకాపల్లిలో పలు అభివృద్ధి కార్యక్రమాలకు ఆయన మంగళవారం శంకుస్థాపన చేశారు. అనకాపల్లి నూకాలమ్మకు బంగారు కిరీటాన్ని బహూకరించారు. ఈ సందర్భంగా జరిగిన సభలో చంద్రబాబు మాట్లాడుతూ ప్రజలను ఇబ్బందిపెట్టే వారు అధికారంలోకి రాకూడదని అన్నారు. రౌడీలు, దాదాగిరి చేసేవారిని దగ్గరకు రాకుండా ప్రజలు జాగ్రత్తపడాలని సూచించారు. తండ్రిని అడ్డంపెట్టుకుని అక్రమాస్తులు కూడబెట్టి, వాటికి లెక్కలు చెప్పలేని స్థితిలో ప్రతిపక్ష నాయకుడు ఉన్నాడని, ఆర్థిక నేరాలకు పాల్పడిన అటువంటి వ్యక్తిని ప్రజలు దూరంగా ఉంచాలంటూ జగన్‌పై చంద్రబాబు పరోక్ష విమర్శలు చేశారు. విశాఖలో సిఐఐ భాగస్వామ్య సదస్సు నిర్వహించి, వేల కోట్ల రూపాయల పెట్టుబడులు
రాబట్టాలని చూసే తరుణంలో జగన్ విశాఖలో యాగీ సృష్టించడానికి ప్రయత్నించడం శోచనీయమని చంద్రబాబు అన్నారు. గత లోక్‌సభ ఎన్నికల్లో జగన్ తల్లి విజయమ్మను ఓడించి విశాఖ ప్రజలు ఆయనకు బుద్ధి చెప్పారని అన్నారు. ఆంధ్ర ప్రదేశ్ ప్రజల పొట్టకొట్టిన కాంగ్రెస్ పార్టీని భూస్థాపితం చేయాలని చంద్రబాబు పిలుపునిచ్చారు. కష్టపడేతత్వం ఉన్న తనకు ప్రజలు ఏకపక్షంగా మద్దతు ఇవ్వాలని ఆయన కోరారు. ప్రజల ఆశీర్వాదం ఉంటే కొండనైనా పిండి చేస్తానని చంద్రబాబు చెప్పారు.
న్యాయపరంగా కాపులకు రిజర్వేషన్లు
వెనుకబడిన కులాల రిజర్వేషన్లకు ఎటువంటి భంగం వాటిల్లకుండా కాపులకు న్యాయపరంగా రిజర్వేషన్లు ఇస్తానని చంద్రబాబు ప్రకటించారు. అగ్రవర్ణాల్లో పేద విద్యార్థులు చదువుకోడానికి విదేశాలకు వెళ్లడానికి 10 లక్షల రూపాయలు ఇస్తున్నానని చెప్పారు. తనకు రాజకీయాలు అక్కర్లేదని, అభివృద్ధే లక్ష్యంగా పనిచేస్తున్నానని చెప్పారు. రాష్ట్రంలో విద్య, వైద్య శాఖలను ప్రక్షాళన చేయడానికి చర్యలు తీసుకుంటున్నానని ఆయన చెప్పారు. డాక్టర్లు బాధ్యతగా విధులు నిర్వర్తించకపోతే, ఉద్యోగాల నుంచి తొలగించడానికి కూడా వెనకాడబోమని చంద్రబాబు హెచ్చరించారు. ఈ రెండు రంగాల్లో క్షేత్ర స్థాయిలో పరిశోధనలు జరిపి, ఆధునిక సాంకేతిక పరిజ్ఞానంతో మెరుగైన ఫలితాలు రాబట్టాలని ఆయన విజ్ఞప్తి చేశారు.
న్యాయం జరగకపోతే చెప్పండి!
ప్రభుత్వ కార్యాలయాలు, పోలీస్ స్టేషన్లలో బాధితులకు న్యాయం జరగకపోతే సంబంధిత అధికారులపై చర్యలు తీసుకునేందుకు కొత్త యాప్‌ను తయారు చేస్తున్నామని చంద్రబాబు చెప్పారు. కార్యాలయాల్లో, పోలీస్ స్టేషన్లలో న్యాయం జరగలేదనుకునేవారు అక్కడి నుంచే తమ ఫోన్‌లో ఈయాప్ ద్వారా తెలియచేస్తే, కేవలం అరగంటలో తానే స్వయంగా సమస్యను పరిష్కరిస్తానని చంద్రబాబు చెప్పారు. ఈ యాప్‌ను ఈనెల 14న ప్రారంభించి వెనువెంటనే ప్రజలకు అందుబాటులోకి తీసుకువస్తామని ఆయన తెలియచేశారు.
చిత్రాలు....నూకాంబిక అమ్మవారికి బంగారు కిరీటం తీసుకెళ్తున్న చంద్రబాబు. బహిరంగ సభలో మాట్లాడుతున్న దృశ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.