రాష్ట్రీయం
‘సిమెంట్’కు రెక్కలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 17: సిమెంట్ ధరలు ఆకాశాన్నంటుతున్నాయి. బస్తాపై 70 నుంచి వంద రూపాయల వరకూ పెరగడంతో వినియోగదారులు తీవ్ర ఆందోళనకు గురవుతున్నారు. అయితే ఇది సిమెంట్ కంపెనీలు సృష్టించిన కృత్రిమ కొరతేనని క్రెడాయ్, ట్రెడా, బాయ్, తెలంగాణ బిల్డర్స్ ఫెడరేషన్, తెలంగాణ డెవలపర్స్ అసోనియేషన్ల జాయింట్ యాక్షన్ కమిటీ (జెఎసి) నేతలు ఆరోపించారు. సిమెంట్ ఉత్పత్తిదారులు పెంచిన సిమెంట్ ధరలను వెంటనే ఉపసంహరించాలని జెఎసి నేతలు జి రాంరెడ్డి, ఎస్ రాంరెడ్డి, రామకృష్ణారావు, రవీందర్ రావు, ఎస్‌ఎన్ రెడ్డి, మూర్తి, జివి రావు సోమవారం మీడియా సమావేశంలో డిమాండ్ చేశారు. సిమెంట్ ధరల నియంత్రణకు వెంటనే సిమెంట్ కంపెనీల యజమానులతో చర్చించాలని సిఎం కెసిఆర్‌ను కోరారు. త్వరలో సిఎంను కలిసి విజ్ఞప్తి చేస్తామన్నారు. సిమెంట్ ఉత్పత్తిదారులు తక్కువ మొత్తంలో సిమెంట్ ఉత్పత్తి చేసి కృత్రిమ కొరత సృష్టించి, ధరలు పెరిగేలా చేశాయని విమర్శించారు. 2014 ఆగస్టులోనూ ఈ కంపెనీలు ఇదేవిధంగా వ్యవహారిస్తే తాము సిఎంను కలిసి విన్నవించడంతో, సిఎం చొరవ తీసుకుని ధరలు తగ్గించేలా చర్యలు తీసుకున్నారని గుర్తు చేశారు. 210 రూపాయలు ఉన్న సిమెంట్ బస్తా ధరను 60నుంచి 70 శాతం పెంచారని, ఫలితంగా బస్తా ధర మార్కెట్లో 335 రూపాయలకు చేరిందన్నారు. ఇలా పెట్రోలు, డిజిల్, విద్యుత్ ఇతర పన్నులేవీ పెరగలేదని అన్నారు. తెలంగాణ, ఆంధ్రప్రదేశ్‌లో సిమెంట్ కంపెనీలు 20 వరకు ఉన్నాయని, వీటిలో చాలావరకు హైదరాబాద్ నగర శివారులో ఉన్నాయని, అవి కూడా వంద కిలోమీటర్ల లోపే ఉన్నాయని వివరించారు. తెలంగాణలో ఉండే కంపెనీలకు విద్యుత్ కోత లేదని, అన్ని సౌకర్యాలు అనుభవిస్తూ ధరలు పెంచాయని విమర్శించారు. మన రాష్ట్రం నుంచి మహారాష్ట్ర, కర్నాటక తదితర రాష్ట్రాలకు సిమెంట్ ఎగుమతి అవుతుందని, ఆ రాష్ట్రాల్లో మన రాష్ట్రంకంటే తక్కువ ధరకు సిమెంట్ విక్రయం జరుగుతోందని అన్నారు. సిమెంట్ కంపెనీలు ధరలు పెంచేందుకు సరైన కారణమేదీ కనిపించడం లేదన్నారు. రాష్ట్ర ప్రభుత్వం కంట్రోలు చేయడం కష్టమేమీ కాదని, ఉన్న పరిస్థితిని వివరించేందుకు ప్రధాని అప్పాయింట్‌మెంట్ తీసుకోనున్నట్టు చెప్పారు. సిమెంట్ కంపెనీలను దారికి తెస్తామన్నారు. సిమెంట్‌ను విదేశాల నుంచి దిగుమతి చేసుకునే ఆలోచన ఏదీ లేదన్నారు. సిమెంట్ రెగ్యులేటరీ అథారిటీ వచ్చేంతవరకు ఎంత సమయం పడుతుందో తెలియదని, అప్పటి వరకు విక్రయాలను నిలుపుదల చేయలేం కదా అని ఒక ప్రశ్నకు సమాధానంగా చెప్పారు. సిమెంట్ ధరలు పెరిగితే గృహా నిర్మాణాలు, విక్రయాలపై ప్రభావం ఉంటుందని మరో ప్రశ్నకు సమాధానంగా తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.