రాష్ట్రీయం
జగన్‌కు ఊరట
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 28: ప్రతిపక్ష నేత, వైకాపా అధ్యక్షుడు వైఎస్ జగన్‌కు సిబిఐ ప్రత్యేక కోర్టులో ఊరట లభించింది. జగన్ బెయిల్‌ను రద్దు చేయాలని కోరుతూ సిబిఐ దాఖలు చేసిన పిటిషన్‌ను సిబిఐ కోర్టు శుక్రవారం తోసిపుచ్చింది. అలాగే కుటుంబ సభ్యులతో కలసి న్యూజీలాండ్ వెళ్లేందుకు జగన్‌కు కోర్టు అనుమతి ఇచ్చింది. ఉమ్మడి ఆంధ్రప్రదేశ్‌లో ప్రధాన కార్యదర్శిగా పనిచేసిన రమాకాంతరెడ్డి కొన్ని నెలల కిందట జగన్‌కు చెందిన టీవీ చానల్‌లో ఇచ్చిన ఇంటర్వ్యూపై సిబిఐ అభ్యంతరం లేవతీసింది. జగన్ అక్రమాస్తుల కేసులో సాక్షిగా ఉన్న రమాకాంతరెడ్డితో చేసిన ఇంటర్వ్యూ సాక్షులను ప్రభావితం చేసే విధంగా ఉందని సిబిఐ అభియోగం మోపుతూ జగన్‌కు బెయిల్ రద్దు చేయాలని మార్చి 28న పిటిషన్ దాఖలు చేసింది. ఈ అంశంపై ఇరుపక్షాల న్యాయవాదులు రెండు దఫాలు వాదనలు వినిపించారు. అనంతరం కోర్టు తీర్పు శుక్రవారానికి వాయిదా పడింది. దీంతో జగన్, రాజ్యసభ సభ్యుడు విజయసాయిరెడ్డి శుక్రవారం ఉదయం 10 గంటలకే కోర్టుకు చేరుకున్నారు. వైకాపా కార్యకర్తలు కూడా పెద్ద సంఖ్యలో కోర్టుముందు గుమికూడారు.
జగన్ బెయిల్‌పై సిబిఐ కోర్టు న్యాయమూర్తి వెంకటరమణ తీర్పు చెబుతూ సిబిఐ వాదనలతో కోర్టు ఏకీభవించడం లేదని, పిటిషన్‌ను డిస్మిస్ చేస్తున్నామని తెలిపారు. జగన్ అక్రమాస్తుల కేసు విచారణను జూన్ 9కి వాయిదా వేస్తున్నట్లు ప్రకటించారు. కోర్టు తీర్పు జగన్‌కు అనుకూలంగా వెలువడటంతో అప్పటికే కోర్టు ప్రాంగణంలో గుమికూడి ఉన్న వైకాపా కార్యకర్తలు పెద్దపెట్టున హర్షధ్వానాలు చేశారు.
చిత్రం..సిబిఐ ప్రత్యేక కోర్టు నుంచి బయటకు వస్తున్న జగన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.