రాష్ట్రీయం
అన్నదాతల దుస్థితికి ప్రభుత్వ విధానాలే కారణం
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, మే 1: ప్రభుత్వ విధానాల వల్లే ఖమ్మం వ్యవసాయ మార్కెట్‌లో సమస్యలు నెలకొన్నాయని తెలంగాణ కాంగ్రెస్ శాసనసభపక్ష నేత జానారెడ్డి ఆరోపించారు. గత వారంరోజులుగా ఖమ్మం మార్కెట్‌లో నెలకొన్న పరిస్థితిని పరిశీలించేందుకు సోమవారం కాంగ్రెస్ ప్రజాప్రతినిధులతో కలిసి ఆయన ఖమ్మం మార్కెట్‌ను సందర్శించారు. ఈ సందర్భంగా రైతులతోనూ, మార్కెట్ కమిటీతోనూ, ఉద్యోగులతోనూ సమావేశమయ్యారు. అనంతరం మాట్లాడుతూ మిర్చిరైతుకు నష్టం జరుగుతున్నదని తెలిసినప్పటికీ ప్రభుత్వం స్పందించకపోవడం దారుణమన్నారు. కనీస గిట్టుబాటుధర కోసం రైతులు ఆందోళన చేస్తుంటే వారిని సంఘ విద్రోహ శక్తులుగా చూపే ప్రయత్నం చేస్తున్నారన్నారు. గత శుక్రవారం ఖమ్మం మార్కెట్‌లో జరిగిన సంఘటన దురదృష్టకరమని, ప్రభుత్వ విధానాలపై రైతులు చేసిన ఆందోళనలుగా దీనిని వర్ణించారు. కనీస మద్దతుధర కోసం రైతులు ఉద్యమిస్తుంటే దానిని ప్రభుత్వ వ్యతిరేక ఉద్యమంగా చూస్తున్నారని, ఇది సరైంది కాదన్నారు. ఆందోళనలు చేసిన రైతులను అరెస్టు చేసి జైలుకు పంపడం దురదృష్టకరమని, ఈ సంఘటనపై అసెంబ్లీలో కూడా తమను మాట్లాడనీయకుండా చేశారని ఆగ్రహం వ్యక్తం చేశారు. పిసిసి వర్కింగ్ ప్రెసిడెంట్ భట్టివిక్రమార్క మాట్లాడుతూ ఖమ్మం వ్యవసాయ మార్కెట్‌లో కొందరు వ్యాపారులు టిఆర్‌ఎస్ కార్యకర్తల్లా వ్యవహరిస్తున్నారని ఆరోపించారు. వర్తకసంఘం స్వచ్ఛంద సంస్థ అని, ఒక పార్టీ అనుచరుల్లా వ్యవహరించడం బాధాకరమన్నారు. ప్రభుత్వం అరెస్టు చేసిన 11మంది రైతులేనని, వారిపై ఉన్న కేసులను ఎత్తివేసి వెంటనే విడుదల చేయాలని డిమాండ్ చేశారు. ఈ కార్యక్రమంలో కాంగ్రెస్ నాయకులు వి హన్మంతరావు, అయితం సత్యం తదితరులు ఉన్నారు.
చిత్రం..ఖమ్మం మార్కెట్‌లో రైతులతో మాట్లాడుతున్న జానారెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.