రాష్ట్రీయం
కొంపముంచిన వాన
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, జూన్ 6: రాజుల సొమ్ము రాళ్లపాలయినట్టు, జనం సొమ్ము బడా కంపెనీల పాలవుతోంది. అతి తక్కువ కాలంలోనే తాత్కాలిక సచివాలయం, శాసనసభ నిర్మాణం జరిపామని ప్రచారం చేసుకున్న ప్రభుత్వం డొల్లతనాన్ని భారీ వర్షం బయటపెట్టింది. సీలింగులు పటిష్ఠంగా లేకపోవడంతో సచివాలయం, శాసనసభ చాంబర్లలోకి నీళ్లు వచ్చిన వైనం, డోర్ ర్యాంపులు కూడా నిర్వహించలేని వైఫల్యం భవన నిర్మాణ కంపెనీల పనితనాన్ని, పర్యవేక్షణ లోపాన్ని ఎత్తిచూపాయి. దాదాపు వెయ్యి కోట్ల వ్యయంతో భవన నిర్మాణంలో లబ్ధప్రతిష్ఠులైన కంపెనీలు సంయుక్తంగా నిర్మించి, మంత్రి నారాయణ స్వీయ పర్యవేక్షణలో పూర్తయిన అసెంబ్లీ, సచివాలయ భవన నిర్మాణాలు ఎంత లోపభూయిష్టంగా ఉన్నాయో తాజా వర్షాలు బయటపెట్టాయి. అసెంబ్లీలో మంత్రుల చాంబర్లు ఇరుకుగా ఉన్నాయని, బాత్‌రూములు కూడా సక్రమంగా నిర్మించని వైనంపై మంత్రులే బహిరంగంగా అసంతృప్తి వ్యక్తం చేసిన విషయం తెలిసిందే. నిర్మాణ, నిర్వహణ బాధ్యతను నిర్వహిస్తున్న సీఆర్డీఏ వైఫల్యాన్ని కూడా తొలకరి వానలు వేలెత్తిచూపించాయి. మంగళవారం కురిసిన భారీ వర్షం వెలగపూడి తాత్కాలిక సచివాలయం, అందులోని బ్లాకులను నీటితో నింపేశాయి. ఫలితంగా అక్కడ పనిచేసే ఉద్యోగులు నానాపాట్లు పడాల్సి వచ్చింది. అసెంబ్లీ, సచివాలయం భవనాల్లోకి మీడియాను అనుమతించకపోవడంతో నీటి తీవ్రత ఇంకా ఎక్కువగానే ఉండొచ్చన్న అనుమానాలు వ్యక్తమవుతున్నాయి. సచివాలయం లోపల ఉన్న రోడ్లపైనా నీళ్లు నిలిచిపోయాయి. ఇప్పుడే పరిస్థితి ఇలావుంటే, ఇక వర్షాకాలపు సీజన్ మొదలైతే ఇంకెంత భయానకంగా ఉంటుందోనని ఉద్యోగులు ఆందోళన వ్యక్తం చేస్తున్నారు. 4వ బ్లాకులో వర్షపు నీటి జల్లుల తీవ్రత ఎక్కువగా ఉండటంతో రెవిన్యూ ఉద్యోగులు ఇబ్బందులు పడాల్సి వచ్చింది. అటు శాసనసభలోనూ దాదాపు ఇదే పరిస్థితి. గ్రౌండ్ ఫ్లోర్‌లోని ప్రతిపక్ష నాయకుడు జగన్ చాంబరు పైనున్న సీలింగుల నుంచి నీళ్లు లీకవడంతో సిబ్బంది బకెట్లు తీసుకొచ్చి వర్షపు నీటిని తొలగించారు. జగన్ చాంబర్ లోపల, బయట కూడా సీలింగుల నుంచి నీళ్లు వస్తుండటం కనిపించింది. లాబీలో జగన్ రూముకు వెళ్లే దారి అంతా నీళ్లతో నిండిపోయింది. మీడియాను లోపలకు అనుమతించకపోవడంతో వైసీపీఎల్పీ సిబ్బందే నీళ్లు తొలగిస్తున్న వీడియోలను మీడియాకు పంపించారు. లోపలవున్న మరికొన్ని చాంబర్లు కూడా లీకైనట్టు తెలుస్తోంది. దీనితో రంగంలోకి దిగిన సిబ్బంది ముందుగా సీఎం ప్రవేశించే గేటు వద్ద ఉన్న చిన్న భవనంపై నీళ్లు నిలిచిన భాగం వరకూ ఉన్న ప్రాంతాన్ని బద్దలుకొట్టి, నీటి ఉధృతిని క్రమబద్ధీకరించాల్సి వచ్చింది. అయితే, ఇటీవల ఏసి ప్లాంటు రిపేరు కావడంతో దాన్ని మరమ్మతులు చేసే సందర్భంలో పటిష్ఠమైన చర్యలు తీసుకోకపోవడం వల్లే ఇలా జరిగిందని, తొలి వర్షం కాబట్టి ఇప్పుడు ఎదురైన అనుభవాలను దృష్టిలో ఉంచుకుని ఇకపై జాగ్రత్తగా వ్యవహరిస్తామని అసెంబ్లీ, సచివాలయ నిర్వహణ చూస్తున్న సీఆర్డీఏ అధికారులు సెలవిచ్చారు. జగన్ చాంబరు ఏసి పైప్‌లైన్ల రిపేర్ల వల్ల, నాలుగవ బ్లాకులోని రెవిన్యూ విభాగంలోకి జల్లుల వల్ల నీళ్లొచ్చాయని తేలిగ్గా చెప్పి తప్పించుకున్నారు.
చిత్రాలు.. వెలగపూడి సెక్రటేరియట్‌లోకి వచ్చిన వర్షపు నీటిని శుభ్రం చేస్తున్న సిబ్బంది,
అసెంబ్లీలోని వైఎస్ జగన్ చాంబర్ సీలింగ్ నుంచి ధారాపాతంగా కారుతోన్న వాన నీరు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.