రాష్ట్రీయం
తెదేపా ఎమ్మెల్సీ దీపక్‌రెడ్డి అరెస్టు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 6: భూకబ్జా కేసులో తెలుగు దేశం ఏపీ ఎమ్మెల్సీ దీపక్‌రెడ్డిని పోలీసులు అరెస్టు చేశారు. ఎమ్మెల్సీ దీపక్‌రెడ్డికి సహకరించిన న్యాయవాదిని, మరో బ్రోకర్‌నూ పోలీసులు అరెస్టు చేశారు. బంజారాహిల్స్‌లో విలువైన భూమిని కబ్జా చేసినట్టు ఆ భూమి యజమాని లోగడ పోలీసులకు ఫిర్యాదు చేశారు. దీనిపై సిసిఎస్ పోలీసులు ఇదివరకే ఆయనకు నోటీసు పంపించినప్పటికీ, స్పందించలేదని తెలిసింది. దీంతో మంగళవారం డిసిపి అవినాష్ మహంతి నేతృత్వంలో పోలీసులు దీపక్‌రెడ్డిని అరెస్టు చేశారు. లేని వ్యక్తులను ఉన్నట్టు చూపించి రిజిస్ట్రేషన్ చేసినట్టు పోలీసుల విచారణలో వెల్లడైంది. నకిలీ పత్రాలు సృష్టించి విలువైన భూమిని కబ్జా చేసినట్టు అభియోగాలు రావడంతో, సిసిఎస్ పోలీసులు విచారణ ప్రారంభించారు.
కలకలం రేపిన అరెస్టు
ఏపీ టిడిపి ఎమ్మెల్సీ దీపక్ రెడ్డి అరెస్టు పార్టీలో కలకలం సృష్టించింది. ముఖ్యంగా తెలంగాణ రాష్ట్ర నాయకులు, కార్యకర్తలూ షాక్‌కు గురయ్యారు. మియాపూర్ భూకుంభకోణంపై రాష్ట్ర ప్రభుత్వంపై దాడి చేస్తున్న ఈ సమయంలో సొంత పార్టీకి చెందిన ఏపీ ఎమ్మెల్సీని నగరంలో అరెస్టు చేయడం వెనుక ఆంతర్యం ఏమైనా ఉందా? అనే అనుమానాలనూ పార్టీ నేతలు వ్యక్తం చేస్తున్నారు. రెండు రోజుల క్రితం మియాపూర్ భూములను టి.టిడిపి వర్కింగ్ ప్రెసిడెంట్, ఎమ్మెల్యే ఎ రేవంత్ రెడ్డి పరిశీలించి, ఈ భూకుంభకోణం దేశంలోనే అతిపెద్దదని ధ్వజమెత్తిన సంగతి తెలిసిందే. ఈ నేపథ్యంలో సొంత పార్టీ ఎమ్మెల్సీని అరెస్టు చేయడం వల్ల రాష్ట్ర ప్రభుత్వంపై విమర్శల దాడి చేయకుండా చేతులు కట్టేసినట్లు అయ్యిందని టిటిడిపి నేతలు అంటున్నారు. లోగడ ఓటుకునోటు కేసుతో పార్టీకి నష్టం కలిగించిందంటే, మళ్లీ మరో మచ్చ రావడం బాధాకరమని ఆ పార్టీ నేతలు ఆవేదన చెందుతున్నారు. అయితే రాష్ట్ర ప్రభుత్వమే కావాలని కక్ష కట్టి కేసులో ఇరికించిందని వాదించినా ప్రజల్లోకి తమ వాదన వెళుతుందో లేదోనన్న అనుమానాలూ వారికి లేకపోలేదు. ఎందుకంటే సిసిఎస్ పోలీసులు బుధవారం విలేఖరుల సమావేశం నిర్వహించి నకిలీ పత్రాలనూ వెల్లడించే అవకాశం ఉన్నందున, తమ వాదన గట్టిగా నిలబడదేమోనని అంటున్నారు. ముఖ్యమైన ప్రాంతాల్లో నకిలీ పత్రాలతో విలువైన భూములను కబ్జా చేయడంపై అధికార పార్టీ చేసే దాడిని తట్టుకోవడం కష్టంగానే ఉంటుందన్న భయాన్ని టి.టిడిపి నేతలు వ్యక్తం చేశారు. దీపక్‌రెడ్డి అనంతపురం జిల్లా స్థానిక సంస్ధల కోటాలో ఎమ్మెల్సీగా ఎన్నికయ్యారు.
చిత్రం.. దీపక్‌రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.