రాష్ట్రీయం
అంబానీ.. తొలి బోణీ
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, జనవరి 10: విశాఖ జిల్లా రాంబిల్లివద్ద ఐదు వేల కోట్లతో అణు జలాంతర్గామి నిర్మాణ ప్రాజెక్ట్ (న్యూ వరల్డ్‌క్లాస్ నేవీ ఫెసిలిటీ ప్రాజెక్ట్)ను స్థాపించనున్నట్టు రిలయన్స్ ఎడిఎ గ్రూప్ చైర్మన్ అనిల్ అంబానీ ప్రకటించారు. సిఐఐ ఆధ్వర్యంలో విశాఖలో మూడు రోజులపాటు జరిగే భాగస్వామ్య సదస్సు ఆదివారం ప్రారంభమైంది. అనిల్ అంబానీ పెట్టుబడి ప్రకటనతో సదస్సు ప్రారంభం కావడం గమనార్హం. ఈ సందర్భంగా అంబానీ మాట్లాడుతూ భారతదేశం సూపర్ పవర్‌గా ఎదగాలంటే సముద్ర రవాణా వ్యవస్థ పటిష్టపడాల్సిన అవసరం ఉందన్నారు. సముద్ర జలాల పరిరక్షణకు భారత నౌకాదళం అహర్నిశలు శ్రమిస్తోందన్నారు. పొరుగు దేశాలతో పోలిస్తే, భారత నౌకాదళం యుద్ధ నౌకలను, జలాంతర్గాములను, ఎయిర్‌క్రాఫ్ట్ క్యారియర్లను మరిన్ని సమకూర్చుకోవాల్సిన అవసరం ఉందన్నారు. అమెరికా 72 సబ్ మెరైన్‌లను కలిగి ఉంది. చైనా వద్ద 63 సబ్ మెరైన్‌లున్నాయి. కానీ భారత నౌకాదళంలో కేవలం 17 సబ్ మెరైన్‌లు మాత్రమే ఉన్నాయని అంబానీ వెల్లడించారు. అందుకే న్యూక్లియర్ సబ్ మెరైన్ నిర్మాణంలో తమవంతు సహకారం అందించేందుకు సిద్ధంగా ఉన్నామన్నారు. అలాగే రక్షణ రంగంలోనూ పెట్టుబడులకు రిలయన్స్ గ్రూప్ సిద్ధంగా ఉందన్నారు. ఇప్పటికే ఆంధ్రప్రదేశ్‌లో రిలయల్స్‌కు చెందిన 15 వేల కోట్ల పెట్టుబడులు ఉన్నాయని అనిల్ గుర్తు చేశారు.
బాబు అత్యంత సమర్థుడు
ఇదిలావుంటే, సిఎం చంద్రబాబును అనిల్ అంబానీ ఆకాశానికెత్తేశారు. ఆధునిక భారత దేశ రూపకల్పనకు సమర్థవంతమైన నాయకత్వం అవసరమని, ప్రధాని మోదీ, సిఎం చంద్రబాబు ఇందుకు తగినవారని అన్నారు. తన తండ్రి జీవించివున్న సమయంలో ఎన్టీఆర్‌ను ఒక సందర్భంలో కలిశారని, అక్కడే చంద్రబాబు కూడా ఉన్నారని అంబానీ చెప్పారు. అప్పుడే చంద్రబాబు సమర్థత గురించి తన తండ్రి తనకు చెప్పారని అనిల్ ప్రశంసించారు. ఎన్టీఆర్ కలలు నెరవేర్చగల శక్తి సామర్థ్యాలు చంద్రబాబుకు ఉన్నాయని తన తండ్రి ఆనాడే గుర్తించారని, ఇప్పుడు అది నిజమని రాష్ట్ర ప్రజలే కాదు, దేశం కూడా నమ్ముతోందన్నారు. దేశంలో వరల్డ్ క్లాస్ బిజినెస్ స్కూల్స్ నెలకొల్పాలన్న సంకల్పంతో తానున్న సమయంలో చంద్రబాబు నుంచి తనకు ఫోన్‌కాల్ వచ్చిందని అనిల్ గుర్తు చేసుకున్నారు. ఒక బిజినెస్ స్కూల్‌ను హైదరాబాద్‌లో ఏర్పాటు చేయమని కోరారని, ఆయన కోరిక మేరకు తాను ఆ స్కూల్‌ను అక్కడ నెలకొల్పానన్నారు. చంద్రబాబు నాయకత్వంలో పెరిగి పెద్దదైన ఆ స్కూల్ భారతదేశానికే తలమానికంగా నిలిచిందన్నారు. చంద్రబాబు పాలనాదక్షతపై పారిశ్రామికవేత్తలకు నమ్మకం ఉందన్నారు. పారదర్శకత, సమర్థత కలిగిన చంద్రబాబు ముఖ్యమైన విషయాల్లో త్వరితగతిన నిర్ణయాలు తీసుకుంటారని అనిల్ ప్రశంసించారు. అలాగే ఆయన తనయుడు లోకేష్ కూడా ఎన్టీఆర్, చంద్రబాబు కలలను నెరవేర్చుతారన్న ఆశాభావాన్ని అనిల్ వ్యక్తం చేశారు.
చిత్రం... సదస్సులో మాట్లాడుతున్న అనిల్ అంబానీ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.