రాష్ట్రీయం
పదండి బడికి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జూన్ 11: రాష్ట్ర చరిత్రలో ముందెన్నడూ లేని రీతిలో 2017-18 నూతన విద్యా సంవత్సరంలో సోమవారం ప్రభుత్వ పాఠశాలలు ఉద్రిక్త పరిస్థితుల్లో పునఃప్రారంభం కాబోతున్నాయి. వేసవి సెలవుల్లోనే బదిలీలు జరగాలంటూ అన్ని ఉపాధ్యాయ సంఘాలు గత విద్యా సంవత్సరం ముగియటానికి ముందునుంచే ఆందోళన చేస్తున్నప్పటికీ ప్రభుత్వం పెడచెవిన పెట్టింది. పైగా దొడ్డిదారిన బదిలీలు చేయటంపై ఆయా సంఘాలు భగ్గుమన్నాయి. అప్పటికే రాష్టవ్య్రాప్తంగా 100 బదిలీలు జరగ్గా లక్షలాది రూపాయలు చేతులు మారాయంటూ ఉపాధ్యాయ సంఘాల నాయకులు ఆరోపలు చేశారు. పాఠశాలల విద్యా కమిషనర్ కార్యాలయంతో పాటు విశాఖలోని రాష్ట్ర విద్యాశాఖ మంత్రి గంటా శ్రీనివాసరావు క్యాంప్ కార్యాలయాన్ని సైతం ముట్టడించారు. మొత్తంపై ప్రభుత్వం హడావుడిగా బదిలీల షెడ్యూల్‌ను ప్రకటించగా ఆ జీవో తప్పులతడక అంటూ ఉపాధ్యాయులు మళ్లీ ఆందోళనకు దిగారు. రాష్టవ్య్రాప్తంగా మొత్తం 61,528 పాఠశాలలు ఉండగా వీటిల్లో ప్రభుత్వ పాఠశాలలు 44,654 కాగా మిగిలినవి ఎయిడెడ్, మున్సిపల్ పాఠశాలలు. మరోవైపు సిలబస్‌లో మార్పులేమీ లేకపోయినప్పటికీ నేటివరకు పాఠ్యపుస్తకాలు పాఠశాలలకు చేరలేదు. 60 శాతం పుస్తకాలు నేటికీ మండల కేంద్రాలకే చేరలేదు. పెద్దసంఖ్యలో ఎంఇవో పోస్టులు ఖాళీగా ఉన్నాయి.
ప్రభుత్వం గత విద్యా సంవత్సరం పరీక్షల సమయంలోనే తొలుత మున్సిపల్ పాఠశాలల్లో తెలుగు మీడియం రద్దుచేయాలనే నిర్ణయం తీసుకోగా అన్ని స్థాయిల నుంచి ప్రారంభమైన ఆందోళనతో తాత్కాలికంగా వెనక్కి తగ్గింది. మరోవైపు బదిలీల్లో గందరగోళం నెలకొనటంతో ఉపాధ్యాయులెవరూ బోధనపై దృష్టి సారించే అవకాశం కనిపించటం లేదు. అన్నింటికీ మించి రేషనలైజేషన్ ఉపాధ్యాయులనే కాకుండా విద్యార్థుల తల్లిదండ్రులనూ కలవర పెడుతోంది. వేలాది పాఠశాలలు మూతబడతాయనే ప్రచారం సాగుతోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.