రాష్ట్రీయం
కేకే డీల్ రద్దు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 14: వివాదాస్పద జాగీర్ భూముల కొనుగోలు వ్యవహారం కీలక మలుపు తిరిగింది. కోట్ల రూపాయల విలువ చేసే ప్రభుత్వ భూములను అధికార పార్టీకి చెందిన ముఖ్యనేతలు అక్రమంగా కాజేశారని ప్రతిపక్షాలు ఆరోపించిన విషయం తెలిసిందే. ఈ నేపథ్యంలో తమ కుటుంబ సభ్యులు కొనుగోలు చేసిన వివాదాస్పద భూముల కొనుగోలు ఒప్పందాన్ని రద్దు చేసుకుంటున్నట్టు టిఆర్‌ఎస్ ముఖ్యనేత, ఎంపి కేశవరావు ప్రకటించారు. ప్రభుత్వ ఆధీనంలో ఉన్న జాగీర్ భూముల క్రయ, విక్రయాలు చెల్లవని ముఖ్యమంత్రి కె చంద్రశేఖర్‌రావు ప్రకటించిన 24గంటలలోనే తాము కొనుగోలు చేసిన భూముల ఒప్పందాన్ని రద్దు చేసుకుంటున్నట్టు రాజ్యసభ సభ్యుడు కె.కేశవరావు ప్రకటించడం విశేషం. కోర్టు అనుమతితోనే రంగారెడ్డి జిల్లా ఇబ్రహింపట్నం మండలం హఫీజ్‌పూర్‌లో తమ కుటుంబ సభ్యులు భూమి కొనుగోలు చేసినట్టు కేశవరావు బుధవారం విడుదల చేసిన ప్రకటనలో పేర్కొన్నారు. కోర్టు ఆదేశాలతోనే వీటిని కొనుగోలు చేసినప్పటికీ ఇవి ప్రభుత్వ ఆధీనంలో ఉన్నట్టు ప్రకటించడంతో ప్రభుత్వ నిర్ణయానికి వ్యతిరేకంగా వెళ్లకూడదని ఒప్పందాన్ని రద్దు చేసుకుంటున్నట్టు ఆయన పేర్కొన్నారు. ఈ భూముల కొనుగోలు కోసం చెల్లించిన డబ్బును వడ్డీతో సహా తిరిగి చెల్లించాలని వీటిని విక్రయించిన విర్గో గ్లోబల్ మీడియా లిమిటెడ్ కంపెనీని కోరగా ఆ సంస్థ కూడా అంగీకరించిందని కేశవరావు పేర్కొన్నారు. తమ కుటుంబ సభ్యులు కొనుగోలు చేసిన భూ ఒప్పందాన్ని రద్దు చేసుకుంటున్న విషయాన్ని కోర్టుకు తెలియజేస్తామన్నారు. అన్ని అనుమతులు ఉన్నాయనే తమ కుటుంబ సభ్యులు వీటిని కొనుగోలు చేశారు తప్ప మరొకటి కాదని ఆయన పేర్కొన్నారు. తమ సొంత ప్రభుత్వ నిర్ణయానికి, తమ నాయకుడి నిర్ణయానికి వ్యతిరేకంగా వెళ్లకూడదనే ఈ ఒప్పందాన్ని రద్దు చేసుకున్నామని కేశవరావు స్పష్టం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.