రాష్ట్రీయం
12శాతంపై అదేమాట
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 18: ముస్లిం, మైనార్టీలకు విద్యా ఉద్యోగాల్లో 12 శాతం రిజర్వేషన్లు కల్పిస్తామని ఎన్నికలలో ఇచ్చిన మాట నిలబెట్టుకుంటామని ముఖ్యమంత్రి కె చంద్రశేఖర్‌రావు పునరుద్ఘటించారు. మైనార్టీలకు రిజర్వేషన్లను పెంచే అంశాన్ని ఇప్పటికే ప్రధాని నరేంద్ర మోదీతో తాను భేటీ అయిన సందర్భంగా ప్రస్తావించినపుడు సానుకూలంగా స్పందించారని గుర్తు చేశారు. రంజాన్ పండుగ పురస్కరించుకుని ఎల్బీ స్టేడియంలో ఆదివారం రాష్ట్ర ప్రభుత్వం తరఫున ఏర్పాటు చేసిన ఇఫ్తార్ విందుకు సిఎం హాజరై మాట్లాడారు. రాష్ట్రంలో అత్యధిక జనాభా కలిగిన ముస్లింలను ఆర్థికంగా, సామాజికంగా అభివృద్ధిపర్చడానికి తమ ప్రభుత్వం ప్రణాళికబద్ధ కార్యాచరణతో ముందుకు వెళ్తుందన్నారు. ముస్లింలకు ప్రస్తుతం కొనసాగిస్తున్న రిజర్వేషన్లను 12 శాతానికి పెంచుతూ శాసనసభలో తీర్మానం ఆమోదించి కేంద్రానికి పంపించామన్నారు. మైనార్టీలను సామాజిక, ఆర్థికాభివృద్ధి కల్పించడం హక్కు అన్నారు. ఈ హక్కును సాధించడానికి ఎంతవరకైనా పోరాడుతామన్నారు. ఉమ్మడి రాష్ట్రంలో మైనార్టీలకు అన్యాయం జరిగిందని, ఈ నష్టాన్ని తెలంగాణ ఆవిర్భావం తర్వాత భర్తీ చేయడానికి తమ ప్రభుత్వం పూనుకుందన్నారు. ముస్లింలకు పాలనలోనూ భాగస్వామ్యం కల్పించడాన్ని ప్రాధాన్యతగా తీసుకున్నామన్నారు. ఉప ముఖ్యమంత్రి పదవీతో పాటు హైదరాబాద్, వరంగల్ నగర డిప్యూటీ మేయర్లుగా ముస్లింలకే అవకాశం కల్పించామన్నారు. మైనార్టీ విద్యార్థుల కోసం ప్రత్యేకంగా 204 గురుకుల విద్యాలయాలను తమ ప్రభుత్వం ఏర్పాటు చేయడమే కాకుండా, సివిల్ సర్వీసెస్ పరీక్షలకు హాజరయ్యే విద్యార్థుల కోసం స్టడీ సెంటర్ ఏర్పాటు చేశామన్నారు. విదేశీ విద్యను అభ్యసించడానికి వెళ్లే ముస్లిం విద్యార్థులకు ఎస్సీ, ఎస్టీ విద్యార్థుల అందిస్తున్న మాదిరిగా రూ.20 లక్షల ఆర్థిక సహాయం చేస్తున్నామన్నారు. ఢిల్లీ మాదిరిగా హైదరాబాద్‌లోనూ ప్రపంచస్థాయి గుర్తింపు పొందేలా ఇస్లామిక్ సెంటర్ ఏర్పాటు చేయబోతున్నామని, ఇప్పటికే దీనికోసం స్థలాన్ని కూడా
ఎంపిక చేశామన్నారు. మైనార్టీల కోసం ప్రభుత్వం ప్రవేశ పెట్టిన పథకాలకే కాకుండా, ఇంకా ఎలాంటి కార్యక్రమాలు చేపట్టాలో ముస్లిం పెద్దలు, మేధావులు ప్రభుత్వానికి సూచనలు, సలహాలు ఇవ్వవచ్చన్నారు. తనతో ఈ అంశంపై ఆసక్తి కలిగిన వారు ఎవరైనా మాట్లాడవచ్చాన్నారు. ఇఫ్తార్ విందుకు ఉప ముఖ్యమంత్రి మహమూద్ అలీ, శాసనసభ స్పీకర్ సిరికొండ మధుసూదనాచారి, ఎంపి అసదుద్దీన్ ఒవైసీ, రాజ్యసభ సభ్యుడు కె కేశవరావు, ప్రభుత్వ ప్రధాన కార్యదర్శి ఎస్‌పి సింగ్, మైనార్టీ సంక్షేమ ప్రభుత్వ సలహాదారు ఎకె ఖాన్‌తోపాటు పలువురు ప్రజా ప్రతినిధులు హాజరయ్యారు.
చిత్రం.. ఎల్బీ స్టేడియంలో నిర్వహించిన ఇఫ్తార్ విందు వేదికపై మాట్లాడుతున్న సిఎం కెసిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.