రాష్ట్రీయం
రహేజా కేసులో ఐఏఎస్‌లకు ఊరట
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 20: రహేజా కేసులో ఎల్‌వి సుబ్రహ్మణ్యం, బిపి ఆచార్య, కె రత్నప్రభ సహా పలువురు ఐఏఎస్ అధికారులకు రాష్ట్ర హైకోర్టులో ఊరట లభించింది. రహేజా మైండ్‌స్పేస్-ఎపి పారిశ్రామిక వౌలిక సదుపాయాల కల్పన కార్పొరేషన్ (ఏపిఐఐసి) జాయింట్ వెంచర్‌లో అక్రమాలకు పాల్పడినందుకు నిందితులైన ఐఏఎస్ అధికారులను ప్రాసిక్యూట్ చేయాలని గతంలో ఎసిబి ప్రత్యేక కోర్టు ఇచ్చిన ఆదేశాలను హైకోర్టు కొట్టివేసింది. ఏసిబి కోర్టు తమకు వ్యతిరేకంగా ఇచ్చిన ఆదేశాలను కొట్టివేయాలని కోరుతూ అప్పట్లో ఏపిఐఐసి మేనేజింగ్ డైరెక్టర్ల పదవులు నిర్వహించిన ఐఏఎస్ అధికారులు ఎల్‌వి సుబ్రహ్మణ్యం, బిపి ఆచార్య, మరో ఐఏఎస్ కె రత్నప్రభ, ఐపిఎస్ అధికారి ఎం గోపీకృష్ణ, ఇన్ఫర్మేషన్ టెక్నాలజీ, కమ్యూనికేషన్స్ డిపార్ట్‌మెంట్‌లోవివిధ పదవుల్లో పని చేసిన పిఎస్ ఆచార్య, రహేజా కార్పొరేషన్‌కు చెందిన రహేజా దాఖలు చేసిన పిటిషన్లను న్యాయమూర్తి జస్టిస్ బి శివశంకర రావు విచారణకు స్వీకరించారు.
జాయింట్ వెంచర్‌కు నగదు చెల్లించడానికి బదులు నానక్ రామ్ గూడలో ప్రత్యామ్నాయ స్థలాన్ని ఇవ్వాలని ఈ ఐఏఎస్ అధికారులు కుట్రపూరిత ఆలోచన చేశారని, దీనివల్ల జాయింట్‌వెంచర్‌లో ఏపిఐఐసి వాటా 11 శాతంనుంచి 0.55 శాతానికి తగ్గిపోయిందని ఏసిబి తన చార్జిషీట్‌లో ఆరోపించింది. అయితే 2015 డిసెంబర్ 28న నేరశిక్షాస్మృతి (సిఆర్‌పిసి) సెక్షన్ 326 కింద ఇంతకు ముందే కొట్టివేసిన కేసును తనంతట తానే తిరిగి తెరిచే అధికారం ట్రయల్ కోర్టు జడ్జికి లేదని న్యాయమూర్తి శివశంకర్ రావు స్పష్టం చేశారు. అంతేకాకుండా అవినీతి నిరోధక చట్టం సెక్షన్ 19 కింద ఐఏఎస్ అధికారులను విచారించడానికి కేంద్రం ప్రభుత్వంనుంచి ముందస్తు అనుమతులు తీసుకోవడం తప్పనిసరి అని జడ్జి అంటూ, పిటిషనర్లకు వ్యతిరేకంగా చర్యలు తీసుకోవడానికి కేంద్ర ప్రభుత్వం అనుమతి నిరాకరించిన దృష్ట్యా వీరిపై అభియోగాలు చెల్లవని కూడా జడ్జి స్పష్టం చేశారు. లంచం స్వీకరించేలా ఐఏఎస్ అధికారులను రహేజా సంస్థ ప్రలోభ పెట్టిందని చెప్పడానికి ఎలాంటి సాక్ష్యాధారాలను ఎసిబి సమర్పించలేకపోయిందని కూడా న్యాయమూర్తి తన తీర్పులో స్పష్టం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.