రాష్ట్రీయం
‘వకీల్’ కావాల్సినవాడ్ని.మంత్రినయ్యా!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 25: ‘వకీల్’ కావాల్సినవాడ్ని, ఇందిరా గాంధీ పుణ్యమా అని రాజకీయాల్లోకి వచ్చి, ఇక్కడ ఇలా ఉన్నానని కేంద్ర పట్టణాభివృద్ధి, సమాచార శాఖ మంత్రి ఎం. వెంకయ్య నాయుడు అన్నారు. ‘ఎమర్జెన్సీ-చీకటి రోజులు’ అనే అంశంపై బిజెపి రాష్ట్ర శాఖ ఆదివారం నిర్వహించిన సభకు వెంకయ్య నాయుడు ముఖ్యఅతిథిగా హాజరయ్యారు. నాడు ఎమర్జెన్సీకి వ్యతిరేకంగా పోరాటం చేసిన వారికి ఆయన ఈ సందర్భంగా సన్మానించారు. అనంతరం వెంకయ్య నాయుడు ప్రసంగిస్తూ ఇందిరా గాంధీకి వ్యతిరేకంగా అలహాబాద్ కోర్టు ఇచ్చిన తీర్పుతో ఎమర్జెన్సీ విధించారని తెలిపారు. ఆ సమయంలో ఆర్‌ఎస్‌ఎస్‌లో ఉన్న తాము అజ్ఞాతంలోకి వెళ్ళినా, వ్యతిరేక పోరాటాలు చేయడంతో పోలీసులు అరెస్టు చేసి విశాఖ జైలులో పెట్టారని అన్నారు. అక్కడి నుంచి హైదరాబాద్‌కు తరలించారని చెప్పారు. జైలులో కూడా చురుగ్గా ఉండడంతో 1977లో జరిగిన ఎన్నికల్లో తనను ఒంగోలు నుంచి జనతా పార్టీ నుంచి తరఫున పోటీ చేయాల్సిందిగా వత్తిడి రావడంతో పోటీ చేశానని, ఇందిరా గాంధీ పుణ్యమా అని వకీల్ కావాల్సిన తాను ఇలా అయ్యానని చెప్పడంతో అందరూ నవ్వారు.
వెంకయ్యకు తెలంగాణ ఉపాధ్యాయుల సన్మానం
ఉపాధ్యాయుల ఏకీకృత సర్వీసు రూల్స్‌ను ఆమోదింపజేయడంలో కేంద్ర మంత్రి వెంకయ్య నాయుడు కీలక పాత్ర పోషించారని తెలంగాణ ఉపాధ్యాయ సంఘం నాయకులు ఆదివారం ఆయన్ను ఘనంగా సన్మానించారు. ఈ సందర్భంగా వెంకయ్య నాయుడు మాట్లాడుతూ ఏకీకృత సర్వీసు రూల్స్‌కు రాష్టప్రతి ఆమోదం లభించిందని అన్నారు.
చిత్రం.. ఎమర్జెన్సీ కాలాన్ని ‘చీకటి రోజులు’గా పేర్కొంటూ ఆదివారం హైదరాబాద్‌లో బిజెపి నిర్వహించిన కార్యక్రమంలో ప్రసంగిస్తున్న కేంద్ర మంత్రి వెంకయ్య నాయుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.