రాష్ట్రీయం
నీటి వనరుల డిజిటలైజేషన్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 23: సాగునీటి వనరుల సమగ్ర సమాచారాన్ని శాటిలైట్‌కు అనుసంధానం చేసి ప్రాజెక్టుల నిర్వహణ, నీటి మట్టం, నీటి పంపిణీ, ఆయకట్టు పరిధిలోని పంటల పరిస్థితిని ఆన్‌లైన్‌లో అందుబాటులో ఉంచాలని నీటిపారుదల శాఖ నిర్ణయించింది. అలాగే ఇప్పుడు కొనసాగుతున్న ప్రాజెక్టు పనుల పర్యవేక్షణ, నాణ్యతాప్రమాణాలపై నిరంతరం నిఘా పెట్టాలని నిర్ణయించింది. కోటి 20 లక్షల ఎకరాలకు సాగునీటిని అందించే బృహత్ ప్రణాళిక అమలు, తీసుకోవాల్సిన చర్యలపై నీటిపారుదలశాఖ మంత్రి టి హరీశ్‌రావు శనివారం అర్ధరాత్రి నుంచి ఆదివారం తెల్లవారుజాము వరకు సంబంధిత శాఖ ఉన్నతాధికారులతో పది గంటల పాటు నిర్వహించిన మేధోమధనంలో కొన్ని కీలక నిర్ణయాలు తీసుకున్నారు. మొత్తం సాగునీటి వ్యవస్థను ఉపగ్రహానికి (శాటిలైట్) అనుసంధానం చేసి ఆన్‌లైన్ ద్వారా ఇక నుంచి నీటి వనరులను నిర్వహించాలని నిర్ణయించారు. ఇప్పటికే 45,222 చిన్న వనరులైన చెరువులకు జియో ట్యాగింగ్ చేయడం పూర్తి అయిందని మంత్రి హరీశ్‌రావు వివరించారు. అలాగే 55్భరీ, మధ్యతరహా ప్రాజెక్టుల డిజిటలైజేషన్ పూర్తి అయిందన్నారు. ప్రాజెక్టుల్లో నీటి నిలువలు, నీటి పంపణీ, ఆయకట్టు కింద సాగుచేసిన పంటల వివరాలు వంటి సమగ్ర సమాచారాన్ని ఆన్‌లైన్ ద్వారా తెలుసుకొని ఎప్పటికప్పుడు పరిస్థితిని విశే్లషించుకుంటూ తదుపరి చర్యలు చేపట్టాలని మంత్రి సూచించారు. ఆన్‌గోయింగ్ ప్రాజెక్టుల పనుల నాణ్యతపై ప్రత్యేక దృష్టిసారించాలని, వీటిని జాయింట్ ఇంజనీర్లు ప్రతిరోజు, ఎగ్జిక్యూటివ్ ఇంజనీర్లు రెండు రోజులకు ఒకసారి, సూపరింటెండెంట్ ఇంజనీర్లు ఆకస్మీక తనఖీలు నిర్వహిస్తూ అప్రమత్తంగా ఉండాలని మంత్రి ఆదేశించారు. బంగారు తెలంగాణ కల సాకారం చేయడంలో ప్రాజెక్టులదే ప్రధాన పాత్ర అన్నారు. రాష్ట్రంలో కోటి 20లక్షల ఎకరాలకు సాగునీటిని అందించే బృహత్ ప్రణాళిక కార్యరూపం దాల్చేందుకు ప్రతి ఒక్కరూ అంకిత భావంతో కృషి చేయాలని మంత్రి పిలుపునిచ్చారు. సింగూరు ప్రాజెక్టు కింద నిరుడు 35వేల ఎకరాలకు సాగునీటిని అందించడంతో వలసలు వెళ్లిన ఆయకట్టు రైతులు తిరిగి గ్రామానికి చేరుకున్నారని మంత్రి గుర్తు చేశారు. సాగునీటికి, గ్రామాల సర్వతోముఖాభివృద్ధికి ఉన్న అవినాభావ సంబంధాన్ని ఎల్లప్పుడు గుర్తెరెగి నడుచుకోవాలన్నారు. ప్రాజెక్టులు, డ్యామ్‌ల భద్రత కూడా అత్యంత ముఖ్యమైందని, భద్రతపై నిఘా వ్యవస్థను పోలీసు శాఖకు అనుసంధానం చేయాలన్నారు. డ్యామ్ ఇంప్రూవ్‌మెంట్ ప్రోగ్రామ్(డిఆర్‌ఐపి) పథకం కింద ప్రపంచ బ్యాంకు ఆర్థిక సహాయాన్ని అందించనుండటంతో వచ్చే నెల ఆగస్టు 10వరకు సమగ్ర అంచనాలతో ప్రతిపాదనలు సకాలంలో కేంద్రానికి పంపించాలని మంత్రి హరీశ్‌రావు ఆదేశించారు. భారీ వర్షాలు, వరదల సమయంలో తీసుకోవాల్సిన చర్యల పట్ల సిబ్బంది అప్రమత్తంగా ఉండాలని సూచించారు. ప్రాజెక్టుల నిర్వహణను మధ్యప్రదేశ్ ప్రభుత్వం ఆన్‌లైన్ ద్వారా నిర్వహించే విధానాన్ని రాష్ట్రంలో కూడా త్వరలో అమలులోకి తీసుకొస్తున్నామన్నారు.
చిత్రం.. ఆదివారం ఉన్నతాధికారుల సమావేశంలో మాట్లాడుతున్న మంత్రి హరీశ్‌రావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.