రాష్ట్రీయం
కంటతడి పెట్టిన మీరాకుమార్
S ,7 à 8 RSCA (si SASPAS) et 6 cialis pharmacie cialis rapports de stage.
సిరిసిల్ల, జూలై 31: నేరెళ్ళలో ఇసుక మాఫియా ఆగడాలకు బలైన బాధితులకు అన్నివిధాలా అండగా ఉంటామని మీరాకుమార్ భరోసా ఇచ్చారు. ఈ ఘటనపై చలించిపోయన ఆమె బాధిత దళిత కుటుంబాలను పరామర్శించారు. వారిని ఆలింగనం చేసుకుని కంటతడి పెట్టారు. లారీ ప్రమాదంలో మృతి చెందిన బదనపురం భూమయ్య కుటుంబానికి రూ.50 వేల రూపాయల చెక్కును అందజేశారు. అనంతరం ప్రత్యేకంగా ఏర్పాటు చేసిన వేదికపై ఆమె బాధిత కుటుంబాలతో మాట్లాడుతూ, దళిత, బలహీన వర్గాల రక్షణ కోసం తగిన చర్యలు తీసుకుంటామన్నారు. తెలంగాణ రాష్ట్రం ఏర్పడితే అన్ని వర్గాలకు ప్రయోజనం కలుగుతుందని ఆశిస్తే, కేవలం ఒకే వర్గానికి ప్రయోజనం జరుగుతోందని, ప్రజల ఆశలను పాలకులు తుంగలో తొక్కారన్నారు. రాజన్న సిరిసిల్ల జిల్లా తంగళ్ళపల్లి మండలం నేరెళ్ళ బాధితులను సోమవారం మధ్యాహ్నం ఆమె పరామర్శించారు. ఈ సందర్భంగా మీరాకుమార్ మాట్లాడుతూ, దళితులు, బలహీనవర్గాలపై దాడులు జరగడం అమానుషమని, ఈ దాడులను తీవ్రంగా ఖండిస్తున్నామని స్పష్టం చేశారు. కాంట్రాక్టర్ల ప్రయోజనాల కోసం ప్రజల ప్రాణాలను పణంగా పెడుతున్న కెసిఆర్ సర్కారు తీరుపట్ల ఆమె ఆవేదన వ్యక్తం చేశారు. భూమయ్య మృతికి కారణమైన లారీ డ్రైవర్‌పై కానీ, కాంట్రాక్టర్‌పై కానీ ఎలాంటి కేసు నమోదు చేయని పోలీసులు, కేవలం ప్రభుత్వ, కాంట్రాక్టర్ల ప్రయోజనం కోసమే దళిత కుటుంబాలపై కేసులు నమోదు చేసి అకారణంగా నిర్బంధించి, దాడి చేసి జీవచ్ఛవాలుగా మార్చారని నిరసించారు. లారీ డ్రైవర్ ప్రాణం తీసి పారిపోతే అమాయక దళిత కుటుంబాలను చితక బాదడం పోలీసులకు పాలకులు వత్తాసు పలుకుతున్నారనడానికి నిదర్శనమన్నారు. ఈ సందర్భంగా మీరాకుమార్ హిందీలో ప్రసంగించగా, టిపిసిసి చీఫ్ ఉత్తమ్‌కుమార్ తెలుగులో అనువదించారు. అనంతరం ఎఐసిసి కార్యదర్శి వి.హన్మంతరావు మాట్లాడుతూ, దొంగల కోసం పరిపాలన సాగిస్తున్నారని, కేవలం ఇసుక దొంగలు, స్మగ్లర్ల కోసమే పాలకులు పనిచేస్తున్నారని అన్నారు.
చిత్రం.. నేరెళ్ళ బాధితులను పరామర్శిస్తున్న మీరాకుమార్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.