రాష్ట్రీయం
కృష్ణా బోర్డుతో నేడు బజాజ్ కమిటీ భేటీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 1: కృష్ణా జలాలను ఆంధ్ర, తెలంగాణ రాష్ట్రాలకు పంపిణీ విధానాన్ని అమలు చేసే ఫార్ములా, నీటి వినియోగం ప్రోటోకాల్‌ను ఖరారు చేసేందుకు కేంద్రం ఏర్పాటు చేసిన బజాజ్ కమిటీ బుధవారం ఢిల్లీలో కృష్ణా జలాల బోర్డుతో సమావేశమవుతోంది. గోదావరి నదిపై పట్టిసీమ ఎత్తిపోతల స్కీం ద్వారా ఆంధ్రప్రదేశ్ నీటిని కృష్ణా డెల్టాకు మళ్లిస్తున్నందు వల్ల తమకు ఎగువున ఉన్న రాష్ట్రంగా కృష్ణా జలాల్లో వాటా పెరుగుతుందని, ఈ అంశాన్ని తేల్చాలని తెలంగాణ ప్రభుత్వం కేంద్ర జలవనరుల శాఖకు లేఖ రాసిన సంగతి విదితమే. ఈ ఏడాది కృష్ణా జలాల పంపిణీని ఆంధ్రాకు 512 టిఎంసి, తెలంగాణకు 299 టిఎంసిని కేటాయించడాన్ని అంగీకరించేది లేదని కూడా తెలంగాణ స్పష్టం చేసింది. ఈ విషయమై కేంద్ర జలవనరుల శాఖకు ఎపెక్స్ కమిటీ సమావేశాన్ని ఏర్పాటు చేయాలని తెలంగాణ కోరింది. ఈ నేపథ్యంలో బజాజ్ కమిటీ కృష్ణా బోర్డుతో సమావేశం కావడం ప్రాధాన్యత సంతరించుకుంది.
తెలంగాణలో కృష్ణా బేసిన్ ఎక్కువగా ఉన్నా కేవలం 299 టిఎంసి నీటిని కేటాయించడం తగదని, ఈ ఏడాది ఈ వాటాకు అంగీకరించమని తెలంగాణ స్పష్టం చేసింది. పైగా 1978లో జరిగిన పోలవరం ప్రాజెక్టు ఒప్పందం ప్రకారం ఈ నీటిని వినియోగించుకునే రాష్ట్రం కృష్ణా జలాల్లో 45 టిఎంసి నీటిని ఎగువ రాష్ట్రాలకు వదిలేయాలి. ప్రస్తుతం ఉమ్మడి ఆంధ్రప్రదేశ్ విభజన జరిగిన తర్వాత ఆంధ్రాకు ఎగువ రాష్ట్రం తెలంగాణ అవుతుంది. కాగా వాటాల సంగతి ఎలా ఉన్నా, 90 టిఎంసి వరకు కృష్ణా జలాలను తమకు వినియోగించుకునేందుకు అనుమతి ఇవ్వాలని తెలంగాణ కేంద్రాన్ని కోరుతూ గత ఏడాది జూలై 23వ తేదీన కోరింది. ఎపెక్స్ కమిటీని ఏర్పాటు చేయాలని కేంద్రాన్ని గత ఏడాది తెలంగాణ కోరినా, ఇంతవరకు సమావేశపరచలేదు.
గోదావరి జలాల మళ్లింపుపై తెలంగాణ అభ్యంతరంపై గోదావరి బోర్డు ఇంతవరకు ఎటువంటి చర్యలు తీసుకోలేదు. ఈ అంశంపై కూడా తెలంగాణ కేంద్ర జలవనరుల శాఖకు అసమ్మతి తెలిపింది. కృష్ణా రిజర్వాయర్లు జూరాల, శ్రీశైలం, నాగార్జునసాగర్‌ను పరిగణనలోకి తీసుకుని సాధారణ నీటి మట్టం, ఎక్కువ జలాలు ప్రవహిస్తే, లేదా లోటు ఉన్న సమయాల్లో నీటి వినియోగంపై ఇంతవరకు నీటి కేటాయింపుల ప్రోటోకాల్ రెండు రాష్ట్రాలకు ఖరారు కాలేదు. ఈ ఏడాది ఆగస్టు వచ్చినా శ్రీశైలం, నాగార్జునసాగర్ కలిపి 530 టిఎంసికి కేవలం 130 టిఎంసి నీరు మాత్రమే లభ్యత ఉంది. నాగార్జునసాగర్‌లో నీటి మట్టం కనీసం 510 టిఎంసి ఉంటేనే హైదరాబాద్‌కు, రంగారెడ్డి, నల్లగొండ జిల్లాలకు కనీసం మంచినీరు అందుతుంది. ప్రస్తుతం 501 టిఎంసి నీటి మట్టం ఉంది. శ్రీశైలంలో నీటి మట్టం 19 టిఎంసి నీరు ఉంది. ఆంధ్రప్రదేశ్ ప్రభుత్వం గత ఏడాది పట్టిసీమ నుంచి 53 టిఎంసి నీటిని కృష్ణా డెల్టాకు మళ్లించింది. దీని వల్ల కృష్ణా డెల్టాకు మంచినీటి, సాగునీటి కొరత తలెత్తలేదు. కాగా ఈ నెల రెండో వారంలో కృష్ణా బోర్డు సమావేశం హైదరాబాద్‌లో జరిగే అవకాశం ఉంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.