రాష్ట్రీయం
పల్లెల్లో భూగర్భ డ్రైనేజీ
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఆగస్టు 1: రాష్ట్రంలో ఈ డిసెంబర్ చివరికి 10 వేల కిలోమీటర్లమేర భూగర్భ డ్రైనేజీ నిర్మించనున్నట్టు రాష్ట్ర పంచాయితీరాజ్ మంత్రి నారా లోకేశ్ వెల్లడించారు. వెలగపూడి సచివాలయంలో పంచాయితీరాజ్, ఉపాధిహామీ పథకం అధికారులతో మంగళవారం సమీక్ష నిర్వహించారు. ఈ సందర్భంగా మాట్లాడుతూ ఐదు వేలకంటే ఎక్కువ జనాభావున్న గ్రామాల్లో భూగర్భ డ్రైనేజీ వ్యవస్థ ఏర్పాటుపై చర్చించారు. భూగర్భ డ్రైనేజీ వ్యవస్థ ఏర్పాటు చేయాల్సిన గ్రామాలు, ఇందుకు సంబంధించిన కార్యాచరణ ప్రణాళిక వివరాలను కలెక్టర్ల నుంచి సేకరించాలని ఆదేశించారు. 2600 కోట్ల రూపాయలతో భూగర్భ డ్రైనేజీ వ్యవస్థ ఏర్పాటు చేయనున్నట్టు ప్రకటించారు. ఉపాధిహామీ పథకం అనుసంధానంతో ఈ వ్యవస్థ ఏర్పాటు చేయాలని ఆదేశించారు. భూగర్భ డ్రైనేజీ వ్యవస్థ త్వరితగతిన ఏర్పాటు చేసేందుకు వీలుగా నిర్థిష్ట సమయాలతో సహా అధికారులకు లక్ష్యాలను నిర్దేశించారు. భూగర్భ డ్రైనేజీ వ్యవస్థకు సంబంధించి పరిపాలనా అనుమతులను ఆగస్టు 4లోగా ఇవ్వాలని ఆదేశించారు. 10వ తేదీలోగా సామగ్రి సరఫరా చేయాలని, 15న శంకుస్థాపన చేయాలని, సెప్టెంబర్ 1నుంచి భూగర్భ డ్రైనేజీ పనులు ప్రారంభించాలని ఆదేశించారు. డిసెంబర్ 1నాటికి వంద గ్రామాల్లో భూగర్భ డ్రైనేజీ పనులు పూర్తికావాలని, డిసెంబర్ 31నాటికి 10 వేల కిలోమీటర్ల మేర పనులు పూర్తి చేయాలని లక్ష్యాలను నిర్దేశించారు. స్వచ్ఛ పంచాయితీలుగా అన్ని గ్రామాలను అభివృద్ధి చేసేందుకు తీసుకుంటున్న చర్యల్లో భాగంగా భూగర్భ డ్రైనేజీ పనులు చేపట్టామని తెలిపారు. సమావేశంలో ఆ శాఖ ప్రిన్సిపల్ సెక్రటరీ జవహర్ రెడ్డి, పంచాయితీరాజ్ కమిషనర్ రామాంజనేయులు తదితరులు పాల్గొన్నారు.
చిత్రం.. అండర్‌గ్రౌండ్ డ్రైనేజీలపై అధికారులతో సమీక్షలో మంత్రి లోకేశ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.