రాష్ట్రీయం
ఏపీకీ ఎక్స్‌ప్రెస్ హైవే
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఆగస్టు 1: అనంతపురం నుంచి అమరావతి వరకు ఎక్స్‌ప్రెస్ హైవే నిర్మాణానికి సిఎం చంద్రబాబు నిర్ణయించారని రోడ్లు, భవనాల మంత్రి సిహెచ్ అయ్యన్నపాత్రుడు తెలిపారు. కలెక్టరేట్ సమావేశ మందిరంలో మీడియాతో మాట్లాడుతూ 393 కిలోమీటర్ల రోడ్డు నిర్మాణానికి 27 వేల కోట్లమేర ఖర్చవుతుందని అంచనా వేశామన్నారు. ఎక్స్‌ప్రెస్ హైవే నిర్మాణానికి కేంద్రం అంగీకరించిందని, భూసేకరణ జరగాల్సి ఉందన్నారు. హైవే నిర్మాణం జరిగితే దేశంలో రెండో ఎక్స్‌ప్రెస్ హైవే ఇదే అవుతుందన్నారు. ఈ రహదారి ఐదు జిల్లాల మీదుగా వెళ్తూ రాజధాని అమరావతిని కలుపుతుందన్నారు. ఈహెచ్ పక్కనుంచే రైలుమార్గం కూడా వేయాలని నిర్ణయించారన్నారు. ఈహెచ్‌కు సంబంధించి ప్రభుత్వం భూసేకరణ చేస్తుందన్నారు. రాజమండ్రి నుంచి రంపచోడవరం, కెడి పేట, లంబసింగి, పాడేరు, అరకు, చింతపల్లి తదితర ప్రాంతాల నుంచి నిర్మించే డబుల్ రోడ్డు నిర్మాణం విజయనగరం కలెక్టరేట్ వద్ద ముగుస్తుందన్నారు. దాదాపు 440 కిలోమీటర్ల మార్గంలో నిర్వహించే రోడ్డు నిర్మాణానికి సంబంధించి డిపిఆర్ తయారవుతోందని వివరించారు. ఈ డబుల్ రోడ్డు నిర్మాణానికి మూడు వేల కోట్లు ఖర్చవుతుందని అంచనా వేశామన్నారు. ఒడిశాలోని మల్కన్‌గిరి నుంచి నర్సీపట్నం మీదుగా చోడవరం, సబ్బవరం రోడ్లకు అనుసంధానిస్తూ మరో ఎన్‌హెచ్ నిర్మిస్తున్నట్టు చెప్పారు. ఇది 284 కిలోమీటర్లమేర ఉంటుందని, అలాగే నర్సీపట్నం నుంచి తునివరకు హైవే వేయాలని నిర్ణయించామన్నారు. మొత్తం 884 కిలోమీటర్ల మేర రోడ్లకు డిపిఆర్ పూర్తికావాలని, రూ.1900 కోట్లతో నిర్మించనున్న రోడ్లకు 660 హెక్టార్లమేర భూసేకరణ చేపట్టాల్సి ఉందన్నారు. సబ్బవరం నుంచి నర్సీపట్నం మార్గమధ్యలో నాలుగు లైన్ల రోడ్డు వస్తుందన్నారు. మొత్తం నాలుగు బ్రిడ్జిలు, మరో నాలుగు బైపాస్‌లు రానున్నాయన్నారు. నర్సీపట్నం- సబ్బవరం మధ్య 11 బైపాస్‌లు వస్తాయన్నారు. ఈవిధంగా 55 కిలోమీటర్ల మార్గంలో బైపాస్‌లు వేయాలని, రానున్న రెండేళ్ళలో వీటిని పూర్తిచేయాలని లక్ష్యంగా పెట్టుకున్నట్టు మంత్రి స్పష్టం చేశారు. ఇళ్ల స్థలాలు పోగొట్టుకునే పరిస్థితులు లేకుండా ఎక్కడికక్కడ రింగ్ రోడ్లు వస్తాయన్నారు. సాగునీటి కాల్వలు, టెలిఫోన్ కేబుల్స్ దెబ్బతినకుండా ఆయా విభాగాల మధ్య సమన్వయం ఏర్పర్చుకునేలా కలెక్టర్ ఆధ్వర్యంలో ప్రత్యేక కమిటీ పని చేస్తుందన్నారు. అటవీ ప్రాంతాలు, మైదాన, గ్రామీణ ప్రాంతాలను కలుపుకుంటూ నిర్మించే రహదారుల వలన అన్నివిధాలా అభివృద్ధి జరుగుతుందన్నారు. అటవీ ప్రాంతాల్లో రోడ్ల నిర్మాణానికి సంబంధించి ఐదు హెక్టార్లు దాటితే కేంద్రం నుంచి క్లియరెన్స్ రావాల్సి ఉందన్నారు. రోడ్ల నిర్మాణం భారీ ప్రాజెక్టులపై 15 రోజులకోసారి సమీక్ష నిర్వహించి పరిస్థితులు తెలుసుకోనున్నట్టు చెప్పారు. ప్రతి 50 కిలోమీటర్ల వద్ద వాహనాల డ్రైవర్లకు రెస్ట్‌రూంలు, టాయ్‌లెట్లు అందుబాటులోకి తీసుకొచ్చే ప్రతిపాదనలు ఉన్నాయని అయ్యన్నపాత్రుడు వివరించారు.
చిత్రం.. కలెక్టరేట్ సమావేశ మందిరంలో మీడియాతో మాట్లాడుతున్న మంత్రి అయ్యన్నపాత్రుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.