రాష్ట్రీయం
రియల్టీకి కళ్లెం రెరా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 1: తెలంగాణ స్థిరాస్తి నియంత్రణ, అభివృద్ధి చట్టం (రెరా)కు సిఎం గ్రీన్ సిగ్నల్ ఇవ్వడంతో ప్రభుత్వం మంగళవారం నోటిఫికేషన్ విడుదల చేసింది. కేంద్ర ప్రభుత్వం రూపొందించిన రియల్ ఎస్టేట్ రెగ్యులేటరీ అండ్ డెవలప్‌మెంట్ అథారిటీ (రెరా) చట్టానికి అనుగుణంగా రెగ్యులేటరీ అథారిటీని ప్రభుత్వం రూపొందించింది. ఈ చట్టాన్ని జూలై 31లోగా రాష్ట్రాలు ఏర్పాటు చేసుకోవాలని కేంద్రం ఆదేశించడంతో గడువులోగా నోటిఫికేషన్‌ను విడుదల చేసింది. నోటిఫికేషన్‌పై అభ్యంతరాలను ఆగస్టు 15 వరకు స్వీకరిస్తారు. నోటిఫికేషన్ ముసాయిదాకు అభ్యంతరాల స్వీకరణ తర్వాత తెలంగాణ స్థిరాస్తి నియంత్రణ, అభివృద్ధి చట్టానికి మంత్రిమండలి ఆమోదం తెలుపుతుంది. సెప్టెంబర్ 1 నుంచి చట్టం అమలులోకి వస్తుంది. రాష్టవ్య్రాప్తంగా నగరాలు, పట్టణాల్లో జనవరి ఒకటి 2017 తర్వాత అనుమతి పొందిన నిర్మాణాలు ఈ చట్టం పరిధిలోకి రానున్నాయి. డిసెంబర్ 31, 2016 నాటికే అనుమతి పొందివుంటే వాటికి చట్టం నుంచి మినహాయింపు ఇచ్చినట్టు నోటిఫికేషన్‌లో పేర్కొన్నారు. సెప్టెంబర్ ఒకటి తర్వాత ప్రారంభించే గృహ, వాణిజ్య సముదాయాలు తప్పనిసరిగా తెలంగాణ స్థిరాస్థి నియంత్రణ, అభివృద్థి చట్టం కింద అనుమతి పొందాల్సి ఉంది. అనుమతి లేకుండా ప్రకటించే రియల్ ఎస్టేట్ వెంచర్లు, అపార్టుమెంట్లు, వాణిజ్య సముదాయాలు, గేటెడ్ కమ్యూనిటీలకు భారీ జరిమాన విధిస్తారు. ఐదు వందల మీటర్ల విస్థీర్ణంలో నిర్మించే నిర్మాణాలు చట్టం పరిధిలోకి వస్తాయి. కొత్తచట్టంతో లాభాలు స్థిరాస్తి నియంత్రణ, అభివృద్ధి చట్టం నిర్మాణదారుల కంటే కొనుగోలుదారుల ప్రయోజనాలకు అధిక ప్రాధాన్యత ఇస్తుంది. నివాస భవనం, అపార్టుమెంట్లు, విల్లాలు, వాణిజ్య సముదాయాల్లో కొనుగోలుదారులకు అన్ని విధాలుగా చట్టం అండగా నిలుస్తుంది. ఒప్పందం మేరకు గడువులోగా భవనాలను అప్పగించని పక్షంలో కొనుగోలుదారులకు గడువు ముగిసిన నాటి చెల్లించిన మొత్తానికి వడ్డీతో సహా చెల్లించాల్సి ఉంటుంది. కుదిరిన ఒప్పందం మేరకు మెటీరియల్ వాడకపోయినా, ఉపయోగించిన సిమెంట్, స్టీల్, కలప, ప్లంబింగ్, వైరింగ్, ఫ్లోరింగ్, ఫినిషింగ్ వస్తుసామాగ్రిలో నాణ్యత లోపించిన నిర్మాణదారుల నుంచి పరిహారాన్ని తిరిగి ఇప్పించడంతోపాటు నిబంధనలను ఉల్లంఘించిన నేరానికి బిల్డర్‌గా పొందిన అనుమతిని రద్దు చేస్తారు.
కొనుగోలుదారులను ముప్పుతిప్పలు పెడుతున్న రియల్ ఎస్టేట్ వ్యాపారానికి ముకుతాడు వేయడానికి కేంద్రం రియల్ ఎస్టేట్ రెగ్యులేషన్ యాక్ట్‌ను (రెరా) మార్చి 2017లో తీసుకొచ్చింది. మే ఒకటి నుంచి చట్టం దేశవ్యాప్తంగా అమలులోకి వచ్చింది. చట్టాన్ని అమలు చేయడానికి ప్రతి రాష్ట్రం తప్పనిసరిగా రెగ్యులేటరీ అథారిటీ (ఆర్‌ఏ) ఏర్పాటు చేసుకోవడానికి జూలై 31న గడువు విధించింది. గడువులోగా ఆర్‌ఏ ఏర్పాటు చేసుకోవాల్సి ఉండటంతో చివరి రోజున తెలంగాణ ప్రభుత్వం నోటిఫికేషన్ జారీ చేసింది. రెగ్యులేటరీ అథారిటీ చైర్మన్‌గా రిటైర్డ్ ఐఏఎస్ అధికారిని నియమించనున్నట్టు పేర్కొంది. రెగ్యులేటరీ అథారిటీలో సంబంధిత అధికారులతో పాటు నిర్మాణదారులు, కొనుగోలుదారుల ప్రతినిధులు సభ్యులుగా ఉంటారని నోటిఫికేషన్‌లో పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.