రాష్ట్రీయం
పారిశ్రామిక కాలుష్యంపై పార్లమెంట్‌కు నివేదిస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
కొత్తగూడెం, ఆగస్టు 27: సైన్స్, టెక్నాలజీ, పర్యావరణం, అటవీ శాఖల పార్లమెంటరీ స్టాండింగ్ కమిటీ చైర్‌పర్సన్ రేణుకా చౌదరి నేతృత్వంలోని ప్రతినిధి బృందం భద్రాద్రి కొత్తగూడెం జిల్లాలోని సింగరేణి కాలరీస్ ఓపెన్ కాస్ట్, పాల్వంచలోని కొత్తగూడెం థర్మల్ పవర్ స్టేషన్ (కెటిపిఎస్)లను ఆదివారం సందర్శించారు. పరిశ్రమల నుంచి విడుదలయ్యే వ్యర్థ పదార్థాలు ప్రజారోగ్యానికి హాని కలిగిస్తున్నాయని, అలాంటి పరిశ్రమలపై చర్యలు తీసుకునేందుకు దేశవ్యాప్తంగా పర్యటించి పార్లమెంటుకు నివేదిక అందిస్తామని కమిటీ చైర్‌పర్సన్ రేణుకా చౌదరి ఈసందర్భంగా తెలిపారు. భద్రాద్రి కొత్తగూడెం జిల్లాలోని హెవీ వాటర్ ప్లాంట్, భద్రాచలం పేపర్ బోర్డు నుంచి వెలువడే వ్యర్థ పదార్థాలను గోదావరి నదిలో కలపటం వల్ల కలిగే నష్టాలపై చర్చిస్తామన్నారు. కొత్తగూడెం ప్రాంతంలోని గౌతంఖని ఓపెన్‌కాస్ట్‌ను సందర్శించిన అనంతరం పవర్ పాయింట్ ప్రజంటేషన్ ద్వారా సింగరేణిలో పర్యావరణ పరిరక్షణ, కార్మికుల సంక్షేమం, బొగ్గు ఉత్పత్తిలో సాంకేతిక పరిజ్ఞానంపై ప్రతినిధి బృందానికి సింగరేణి చైర్మన్, మేనేజింగ్ డైరెక్టర్ ఎన్ శ్రీ్ధర్ వివరించారు. పర్యావరణ పరిరక్షణకు సింగరేణి వ్యాప్తంగా కోటి మొక్కలు నాటినట్లు చెప్పారు. కెటిపిఎస్ 6, 7 దశల్లో విద్యుత్ ఉత్పత్తిపై చర్చించారు. పరిశ్రమల్లో కార్మిక సంక్షేమం, అభివృద్ధి కార్యక్రమాలపై స్టాండింగ్ కమిటీ ప్రతినిధి బృందం పార్లమెంట్‌కు నివేదిక అందిస్తుందని చైర్‌పర్సన్ రేణుకా చౌదరి వివరించారు. స్టాండింగ్ కమిటీకి భద్రాద్రి కొత్తగూడెం జిల్లా కలెక్టర్ రాజీవ్‌గాంధీ హనుమంతు స్వాగతం పలికారు. పార్లమెంటరీ స్టాండింగ్ కమిటీ సభ్యులు సుఖ్‌రాం సింగ్ యాదవ్, రంగసాయి రామకృష్ణ, రాజేంద్ర సింగ్, విక్రమ్ హుస్సేన్ బీ, నానాపటార్, శివాజీ పాటిల్, సిపి నారాయణన్, ప్రసన్న ఆచార్య, బాలసుబ్రహ్మణ్యన్, తదితరులు పాల్గొన్నారు.
చిత్రం..సింగరేణిలో సాంకేతిక పరికరాలను పరిశీలిస్తున్న పార్లమెంటరీ స్టాండింగ్ కమిటీ సభ్యులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.