రాష్ట్రీయం
భద్రాద్రిలో నవంబర్ 10నుంచి జాతీయ స్థాయి బాలోత్సవం
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం టౌన్, సెప్టెంబర్ 3: శ్రీ సీతారామచంద్రస్వామి కొలువైన భద్రాచలం పట్టణంలో కేజీ టూ పీజీ విద్యార్థులకు ఈ ఏడాది జాతీయ స్థాయి బాలోత్సవం నిర్వహించేందుకు ఏర్పాట్లు చేస్తున్నారు. జూనియర్ కళాశాల క్రీడా మైదానంలో నవంబర్ 10, 11, 12 తేదీల్లో బాలోత్సవం నిర్వహించనున్నట్లు నిర్వాహకులు తెలిపారు. తాళ్ళూరి పంచాక్షరయ్య చారిటబుల్ ట్రస్టు, అవార్డీ టీచర్స్ అసోసియేషన్, తెలంగాణ భాషా సాంస్కృతిక శాఖ, సారపాక ఐటిసి పిఎస్‌పిడి కర్మాగారం, భద్రాచలం ఐటిడిఎ, నార్త్ అమెరికా తెలుగు అసోసియేషన్ సంయుక్త ఆధ్వర్యంలో మూడురోజులు ఘనంగా బాలోత్సవం జరుగుతుందని నిర్వాహకులు తాళ్ళూరి పంచాక్షరయ్య, బెక్కంటి శ్రీనివాస్ తెలిపారు. భద్రాచలం ఎమ్మెల్యే సున్నం రాజయ్య, ఆర్డీవో శివనారాయణరెడ్డి, సర్పంచ్ శే్వత, సిఐ శ్రీనివాసులు, తదితరులు ఆదివారం కార్యక్రమ బ్రోచర్లను ఆవిష్కరించారు. ఈసందర్భంగా వారు నిర్వాహకులను అభినందించారు. బాలోత్సవంలో 40 అంశాల్లో పోటీలు నిర్వహించనున్నారు. దేశంలోని ప్రభుత్వ, ప్రైవేట్ విద్యాసంస్థల్లో కేజీ నుంచి పీజీ చదువుతున్న విద్యార్థులు ఈ పోటీల్లో పాల్గొనవచ్చని ఆహ్వానాలు పంపుతున్నారు. దేశభక్తి బృంద నృత్యాలు, పేరిణి నృత్యం, భరత నాట్యం, కూచిపూడి నృత్యం, క్విజ్, జానపదం, వ్యాసరచన, గిరిజన సంప్రదాయ నృత్యం, తదితర అంశాల్లో పోటీలు ఉంటాయి. ఈ పోటీలకు సుమారు 50వేల మంది విద్యార్థులు హాజరయ్యే అవకాశం ఉండటంతో అందుకు తగిన ఏర్పాట్లు చేపట్టారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.