రాష్ట్రీయం
రూ.5 కోట్లతో నిమజ్జన ఏర్పాట్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 4: జంట నగరాల్లో గణేష్ నిమజ్జనం ప్రశాంతంగా జరిగేందుకు అన్ని ఏర్పాట్లు చేసినట్టు పశు సంవర్థక శాఖ మంత్రి తలసాని శ్రీనివాస్ యాదవ్ తెలిపారు. సచివాలయంలో సోమవారం జరిగిన విలేఖరుల సమావేశంలో తలసాని మాట్లాడారు. ఈ సంవత్సరం 10,200 మండపాలకు అనుమతి ఇవ్వగా, వీటిలో 4,101 విగ్రహాల నిమజ్జనం ఇప్పటికే జరిగిందని, మిగిలిన 6,100 విగ్రహాలను మంగళవారం నిమజ్జనం చేస్తారని చెప్పారు. హుస్సేన్ సాగర్, ఎన్‌టిఆర్ మార్గ్, రాజన్న బౌలి, మీరాలం ట్యాంక్, ఎర్ర కుంట, షేక్‌పేట ట్యాంక్, సరూర్ నగర్ ట్యాంక్, హస్మత్ పేటలలో గణేష్ నిమజ్జనం కోసం ఏర్పాట్లు చేసినట్టు చెప్పారు.
గణేష్ నిమజ్జనం కోసం తెలంగాణ, ఆంధ్రప్రదేశ్ రాష్ట్రాలకు చెందిన సుమారు 25వేల మంది పోలీసులతో బందోబస్తు ఏర్పాట్లు చేసినట్టు చెప్పారు. 310 అత్యంత సున్నిత, మరో 605 సున్నిత ప్రాంతాలను పోలీసులు గుర్తించారని, 40 మొబైల్ పోలీసు బృందాలు నిమజ్జనం ప్రశాంతంగా జరిగే విధంగా కృషి చేస్తున్నారని తెలిపారు. గణపతి విగ్రహాల నిమజ్జనానికి ఎన్‌టిఆర్ మార్గ్‌లో 16, ట్యాంక్‌బండ్ వద్ద 25, మినిస్టర్ రోడ్డులో 3, రాజన్న బౌలి వద్ద మూడు, మీరాలం ట్యాంక్‌లో 2, ఎర్రకుంటలో రెండు క్రేన్‌లను సిద్ధంగా ఉంచినట్టు తెలిపారు.
అంబులెన్స్‌లు, జనరేటర్లు, వైద్య బృందాలు, మెకానికి బృందాలను కూడా ఏర్పాటు చేసినట్టు తలసాని శ్రీనివాస్ యాదవ్ తెలిపారు. నిమజ్జనం జరిగే మార్గాల్లో 117 పాయింట్లను గుర్తించి దాదాపు ఐదు కోట్ల వ్యయంతో తాత్కాలిక మరమ్మత్తు పనులు చేయించినట్టు చెప్పారు. ప్రతి సర్కిల్‌లో ఒక ఎమర్జన్సీ టీంను నిరంతరం అందుబాటులో ఉంచారు. ఆర్టీసి ఆధ్వర్యంలో వివిధ ప్రాంతాల నుంచి 16 మార్గాల గుండా ట్యాంక్‌బండ్‌పైకి ఐదువందల ప్రత్యేక బస్సులను నడపనున్నట్టు మంత్రి తెలిపారు.
చిత్రం..హైదరాబాద్‌లో గణేష్ ఉత్సవాలు తుది దశకు చేరుకున్నాయ. గణనాథుల నిమజ్జనానికి
సర్వం సిద్ధమైంది. సోమవారం నిమజ్జనానికి తరలివచ్చిన గణనాథులతో కిటకిటలాడుతున్న ట్యాంక్‌బండ్.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.