రాష్ట్రీయం
‘మూడో’ రుణమాఫీకి సిద్ధం
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, సెప్టెంబర్ 5: ముఖ్యమంత్రి చంద్రబాబునాయుడు రైతులకు ఇచ్చిన వాగ్దానం ప్రకారం రుణ ఉపశమన పథకం కింద మూడో విడత రుణమాఫీ నిధులు రైతుల ఖాతాల్లో జమ చేసేందుకు సిద్ధంగా ఉన్నట్టు రాష్ట్ర వ్యవసాయశాఖ మంత్రి సోమిరెడ్డి చంద్రమోహన్‌రెడ్డి చెప్పారు. మొదటి విడత 54.98 లక్షల రైతుల ఖాతాలకు 7564.69 కోట్లు జమ చేశామన్నారు. 50వేల లోపు రుణ ఉపశమనం అర్హత కలిగిన రైతులకు ఇందులో 23.76 లక్షల ఖాతాలకు 4,493 కోట్లు జమ చేశారు. 50వేలు పైబడి లక్షన్నర లోపల రుణ ఉపశమన అర్హత కలిగిన 31.22 లక్షల రైతుల ఖాతాలకు మొదటి వాయిదా 3071.69 కోట్లు జమచేశామన్నారు. ఈనెల 10వ తేదీ నుంచి మూడవ విడత రుణమాఫీ నిధులు రైతుల ఖాతాలో జమ చేస్తున్నామని మంగళవారం ఆయన మీడియాకు వెల్లడించారు. రెండవ విడత 36.39 లక్షల రైతుల ఖాతాలకు 3300 కోట్లు విడుదల చేశామని, దశలవారీగా వచ్చిన ఫిర్యాదులను పరిశీలించి వాటిలో 44వేల అర్హత కలిగిన రైతు ఖాతాలకు 96.25 కోట్లు జమచేశామన్నారు. మూడో విడత వాయిదా కింద 3600 కోట్లను 10 శాతం వడ్డీతో కలిపి బడ్జెట్‌లో పొందుపరిచి, దీనిలో 1000 కోట్లను రైతు సాధికార సంస్థ పిడి ఖాతాకు జమచేశామన్నారు. 2600 కోట్లను త్వరలో విడుదల చేస్తున్నామని, ఈనెల 10వ తేదీ నుండి సెప్టెంబర్ 30 లోపల 31.22 లక్షల రైతుల ఖాతాలకు మూడోవిడత నిధులు జమచేస్తామని మంత్రి తెలిపారు. రైతు సంక్షేమం గురించి తాము ఎవరి వద్దా పాఠాలు నేర్చుకోవలసిన పనిలేదని సోమిరెడ్డి వ్యాఖ్యానించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.