రాష్ట్రీయం
పెసర రైతుకు శుభవార్త
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 8: తెలంగాణలో పెసర్లు కొనుగోలుకు కేంద్ర ప్రభుత్వం అంగీకరించింది. రెండు రోజుల క్రితం ఢిల్లీలో తెలంగాణ మార్కెటింగ్ శాఖ మంత్రి తన్నీరు హరీశ్‌రావు కేంద్ర వ్యవసాయ మంత్రి రాధా మోహన్‌సింగ్‌తో జరిపిన చర్చలు ఫలించాయి. కేంద్ర ప్రభుత్వ సంస్థ నాఫెడ్ తెలంగాణ మార్క్‌ఫెడ్ సంస్థ సోమవారం నుంచి పెసర్ల కొనుగోలు ప్రక్రియ ప్రారంభించనుంది. కేంద్ర మార్కెట్ ఇంటర్వెన్షన్ స్కీం డైరెక్టర్ శశిభూషణ్, నాఫెడ్ యండి సంజీవ్‌కుమార్‌లతో మంత్రి హరీశ్‌రావు శుక్రవారం సాయంత్రం ఫోన్‌లో మాట్లాడారు. పెసర్ల కొనుగోలు కేంద్రాల ఏర్పాటు ప్రక్రియను వేగవంతం చేయాలని విజ్ఞప్తి చేశారు. పెసర్లు క్వింటాలుకు రూ.5575 రూపాయలను మద్దతు ధరగా నిర్ణయించినట్టు మంత్రి హరీశ్‌రావుకు కేంద్ర ఇంటర్వెన్షన్ స్కీం డైరెక్టర్ శశిభూషణ్ తెలిపారు. ఈ నేపథ్యంలో సచివాలయంలో తన చాంబర్‌లో మంత్రి హరీశ్‌రావు మార్కెటింగ్ శాఖ, వ్యవసాయ ఉన్నతాధికారులతో సమీక్ష నిర్వహించారు. 20 నుంచి 25 కొనుగోలు కేంద్రాలను ప్రారంభించాలని సమావేశంలో నిర్ణయించారు. పెసర్లు ఎక్కువగా పండే ప్రాంతాలను గుర్తించి అక్కడ కొనుగోలు కేంద్రాలను నాఫెడ్ ప్రారంభించనుంది. కేంద్ర ప్రభుత్వం పెసర్లకు మద్దతు ధర ప్రకటించినందున రైతులు తొందరపడి తక్కువ రేటుకు అమ్ముకోవద్దని హరీశ్‌రావు సూచించారు. సమావేశంలో వ్యవసాయ శాఖ కమిషనర్ జగన్మోహన్, మార్కెటింగ్ డైరెక్టర్ లక్ష్మీబాయి, జాయింట్ డైరెక్టర్ లక్ష్మణుడు తథితర అధికారులు పాల్గొన్నారు.
చిత్రం.అధికారుల సమీక్ష సమావేశంలో మాట్లాడుతున్న మంత్రి హరీశ్‌రావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.