రాష్ట్రీయం
శ్రీశైలం ప్రాజెక్టుపై రెండు రాష్ట్రాల కన్ను
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 8: శ్రీశైలం ప్రాజెక్టుకు అంతంతమాత్రంగా వచ్చిన వరద నీటి ప్రవాహంతో నీటి మట్టం 812.7 అడుగులకు, నీటి లభ్యత 35.93 టిఎంసికి పెరగడంతో ఆంధ్ర, తెలంగాణ రాష్ట్రాలు ఈ నీటి వినియోగంపై కన్ను వేశాయి. రెండు రాష్ట్రాలు ఈ నీటిని వినియోగించుకోవడం కసరత్తును ప్రారంభించాయి. ఈ నెలలో జరిగే కృష్ణా బోర్డు సమావేశంలో శ్రీశైలం నీటిని దిగువున ఉన్న నాగార్జునసాగర్‌కు విడుదల చేయాలని తెలంగాణ బలంగా వాదించనుంది. కాగా ఈ నీటిని విడుదల చేస్తే రాయలసీమ ప్రాంతం నుంచి వ్యతిరేకత వ్యక్తమవుతుందని ఏపి ప్రభుత్వం వాదిస్తోంది. శ్రీశైలం నుంచి నీటిని దిగువకు విడుదల చేసి ఆ నీటితో జల విద్యుత్‌ను ఉత్పత్తి చేయడం, సాగర్‌కు చేరిన నీటితో హైదరాబాద్, రంగారెడ్డి, నల్లగొండ జిల్లాల మంచినీటి అవసరాలకు వినియోగించుకోవాలని తెలంగాణ ప్రభుత్వం కృష్ణా బోర్డును కోరింది. కృష్ణా బేసిన్‌లో నాగార్జునసాగర్, శ్రీశైలం కలిసి రెండు ప్రాజెక్టుల నీటి నిల్వ సామర్ధ్యం 527 టిఎంసి ఉండగా, ఇప్పుడు 150 టిఎంసి మాత్రమేలభ్యతగా ఉంది. పట్టిసీమ గోదావరి జలాల ద్వారా కృష్ణా డెల్టాకి ఆంధ్రప్రదేశ్ అందిస్తోందని, ప్రస్తుతం శ్రీశైలం నీటిలో కనీసం 10 టిఎంసి నీటిని మంచి నీటి అవసరాలకు నాగార్జునసాగర్‌కు కేటాయించాలని తెలంగాణ కోరుతోంది. దీని వల్ల హైదరాబాద్ మంచి నీటి అవసరాలు వచ్చే రెండు నెలలకు ఢోకా ఉండదని భావిస్తున్నారు. ఆల్మట్టి నుంచి నీటి పవాహనం 6023 క్యూసెక్కులకు పడిపోయింది. ప్రస్తుతం జూరాల నుంచి 27,820 క్యూసెక్కుల నీరు విడుదలవుతుండగా, శ్రీశైలంకు 19251 క్యూసెక్కులు చేరుతున్నాయి. అడపదడపా కురిసే వర్షాల వల్ల ఈ నెలాఖరుకు శ్రీశైలంలో నీటి నిల్వ 40 టిఎంసికి చేరుకోవచ్చని సాగునీటి నిపుణులంటున్నారు. తుంగభద్రలో నీటి నిల్వ 100.86 టిఎంసికి 72.56 టిఎంసి చేరుకుంది.
197 మండలాల్లో వర్షపాతం లోటు
తెలంగాణలో 197 మండలాల్లో -59 నుంచి -20 శాతం వరకు వర్షపాతం లోటు నమోదైంది. ఈ వర్షాకాలం సీజన్‌లో సాధారణ వర్షపాతం 613.5ఎంఎంకు కేవలం 545 ఎంఎం నమోదైంది. మొత్తం -11 శాతం లోటు వర్షపాతం నమోదైంది. గరిష్టంగా భద్రాది కొత్తగూడెంలో 835.1 ఎంఎం, కనిష్టంగా నాగర్‌కర్నూల్‌లో 314 ఎంఎం వర్షపాతం నమోదైంది. రాష్ట్రంలో రెండు జిల్లాలు హైదరాబాద్, జోగుళాంబ జిల్లాల్లో 20 శాతం అదనంగా వర్షపాతం, 19 జిల్లాల్లో సాధారణ, 3 జిల్లాల్లో లోటు వర్షపాతం నమోదైంది. రాష్ట్రంలోని 31 జిల్లాల నుంచి వ్యవసాయ శాఖకు అందిన సమాచారం ప్రకారం మొత్తం 43.24 లక్షల హెక్టార్లలో 36.91 లక్షల హెక్టార్లలో ఖరీఫ్ సాగు అవుతోంది. రాష్ట్రంలో లభ్యతలో ఉన్న భూమిలో 87 శాతం భూమిని ఖరీఫ్ సాగులోకి తెచ్చారు. గత ఏడాది కంటే ఒక లక్ష హెక్టార్లలో ఈ ఏడాది ఖరీఫ్ సాగవుతోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.