రాష్ట్రీయం
ఉల్లి రైతును ఆదుకుంటాం
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, సెప్టెంబర్ 9: ఉల్లి ధరలు అనూహ్యంగా పతనం కావడంతో రైతును ఆదుకునేందుకు వీలుగా టన్ను ఉల్లిని ఆరువేల చొప్పున మార్క్‌ఫెడ్ ద్వారా కొనుగోలు చేస్తామని రాష్ట్ర మార్కెటింగ్, గిడ్డంగులు, పశుసంవర్థక, పాడి పరిశ్రమ, మత్స్య పరిశ్రమ, సహకార శాఖల మంత్రి ఆదినారాయణరెడ్డి శనివారం ప్రకటించారు. మొన్నటిదాకా ఉల్లికి ధర బాగానే ఉన్నా, రైతుల చేతికి పంట విరివిగా రాగానే టన్ను ధర నాలుగు వేలకు పడిపోయిందన్నారు. ఈ పరిస్థితిని గమనించి రైతును ఆదుకోవాలనే ఉద్దేశ్యంతో మార్క్‌ఫెడ్‌ను రంగంలోకి దించుతున్నామని తెలిపారు. గతంలో పసుపు, శెనగలకు ధరలు పడిపోయినప్పుడు కూడా మార్క్‌ఫెడ్ ద్వారా ఆ పంటలను రైతునుంచి కొనుగోలు చేసినట్టు తెలిపారు. గత కొంతకాలంగా నిలకడగా ఉన్న ఉల్లి ధరలు నెల క్రితం హఠాత్తుగా టన్ను ధర 15వేల నుంచి 20వేలకు పెరిగిపోయిందన్నారు. దీంతో ఉల్లి సాగును రైతాంగం ఎక్కువ చేసిందన్నారు. రాష్ట్రం నుంచి తమిళనాడుకు, ఢిల్లీకి ఎక్కువగా ఉల్లి ఎగుమతి అయ్యేదన్నారు. అయితే ఇప్పుడు రాష్ట్రం నుంచి ఎగుమతులకు డిమాండ్ కొంత తగ్గిందన్నారు. రాష్ట్రంలో ఉత్పత్తి పెరగడం, తమిళనాడు నుంచి డిమాండ్ తగ్గడం వల్ల ఒక్కసారిగా ఉల్లి ధర టన్నుకు నాలుగువేల రూపాయలకు పడిపోయిందన్నారు. ఫలితంగా ఉల్లి రైతు దారుణంగా నష్టపోయే పరిస్థితి ఏర్పడిందన్నారు. ఈ పరిస్థితులన్నింటినీ పరిశీలించి తక్షణం టన్ను ఆరువేల రూపాయలకు తగ్గకుండా రైతుల నుంచి కొనుగోలు చేసి రైతుబజార్లలో విక్రయించాలని నిర్ణయించామని ఒక ప్రకటనలో మంత్రి ఆదినారాయణరెడ్డి పేర్కొన్నారు. ఉల్లి, టమాటా లాంటి పంటలను దీర్ఘకాలం నిల్వ ఉంచలేని పరిస్థితి ఉన్నందున, వీటి ధరల్లో నిలకడ సాధ్యం కాదని మంత్రి తెలిపారు. డిమాండ్, సరఫరాల్లో భారీ వ్యత్యాసాలు వచ్చేస్తున్నాయని వివరించారు. సాంకేతికత అందుబాటులో ఉన్నందున మార్కెట్ డిమాండ్, ఇతర ప్రాంతాల్లో పంటల సాగు తదితరాలన్నింటినీ క్షుణ్ణంగా తెలుసుకునే పరిస్థితులు ఇప్పుడు ఉన్నాయన్నారు. ఈ అవకాశాలను రైతులు వినియోగించుకుని మార్కెట్ అవసరాలను గమనిస్తూ పంట విస్తీర్ణాన్ని పెంచడం, తగ్గించడం లాంటివి చేపడితే ఇలాంటి ఒడిదుడుకులు రైతుకు ఎదురుకావని మంత్రి అన్నారు. రైతును ఈ మేరకు చైతన్యం చేసే కార్యక్రమాలు ఎప్పటికప్పుడు ప్రభుత్వపరంగా చేపడుతూనే ఉన్నామని వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.