రాష్ట్రీయం
వెల్లువెత్తుతున్న సాంకేతిక విప్లవం
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, సెప్టెంబర్ 10: నూతన ఆలోచనలతోనే సుస్థిర అభివృద్ధి సాధ్యపడుతుందని ఐటి శాఖ మంత్రి నారా లోకేష్ అన్నారు. ఇంటర్నేషనల్ ఇన్నోవేషన్ ఫెయిర్ 2017లో భాగంగా ‘సపోర్టింగ్ ఇన్నోవేటివ్ ఎంటర్ ప్రెన్యూర్స్ అండ్ రోల్ ఆఫ్ టెక్నాలజీ ట్రాన్స్‌ఫర్’ అంశంపై ఆదివారం ఇక్కడ జరిగిన సదస్సును ఆయన ప్రారంభించారు. ఈ సందర్భంగా మాట్లాడుతూ సాంకేతిక రంగం లో అంతర్జాతీయంగా వస్తున్న సరికొత్త ఆలోచనలు ఒకే వేదికపై పంచుకోవడం ద్వారా అన్ని ప్రాంతాలు అభివృద్ధిలో పయనిస్తాయన్నారు. గతంలో పలు పారిశ్రామిక విప్లవాలు జరిగినప్పటికీ ఆయా దేశాలు అభివృద్ధి సాధించేందుకు దశాబ్దాల కాలం పట్టిందన్నారు. అయితే, ప్రస్తుతం ఇన్ఫర్మేషన్ టెక్నాలజీ అందుబాటులోకి రావడంతో అనూహ్యమైన పరిణామాలు చోటుచేసుకుంటున్నాయన్నారు. సాంకేతిక పరిజ్ఞానాన్ని సద్వినియోగం చేసుకుని సింగపూర్ వంటి చిన్న దేశం రెండున్నర దశాబ్దాల కాలంలోనే అత్యంత వేగంగా పురోభివృద్ధి సాధించిందన్నారు. ఇదే తరహాలో ఆంధ్రప్రదేశ్ కూడా రెండు దశాబ్దాల కాలంలోనే అగ్రగామిగా నిలుస్తుందని ఆశాభావం వ్యక్తం చేశారు. ప్రజలకు సుపరిపాలన అందించే లక్ష్యంతో సమాచార, సాంకేతిక పరిజ్ఞానాన్ని అమల్లోకి తెచ్చామని, బయోమెట్రిక్, ఆధార్ లింకేజ్ వంటి చర్యలతో పథకాల్లో పారదర్శకతతో పాటు అవినీతిని అరికట్టగలిగామన్నారు. తద్వారా రాష్ట్రంలో 11.5 శాతం వృద్ధి రేటు సాధించామన్నారు. దేశంలోనే తొలిసారిగా విద్యుత్ స్తంభాల ద్వారా ఫైబర్ నెట్ కనెక్షన్లు ఇస్తున్నామన్నారు. రాష్ట్రంలో మానవ వనరులకు, మేథో సంపత్తికి కొదవ లేదని లోకేష్ స్పష్టం చేశారు. ప్రపంచ వ్యాప్తంగా ఉన్న ఐటి నిపుణల్లో 35 శాతం మంది తెలుగువారేనన్నారు. నూతన ఆవిష్కరణలకు ప్రభుత్వం ప్రాధాన్యం ఇస్తోందన్నారు. సాంకేతిక పరిజ్ఞానంతో చేపట్టే ఉత్పత్తులకు మార్కెటింగ్ సౌకర్యం కల్పించేందుకు తాము సిద్ధంగా ఉన్నామన్నారు. యనైటెడ్ నేషన్స్ ఆసియా, పసిఫిక్ సాంకేతిక బదిలీ కేంద్రం ప్రతినిధి మిచికో ఎనోమోటో మాట్లాడుతూ ఆధునిక సాంకేతిక పరిజ్ఞానం సుస్థిర అభివృద్ధికి దోహదం చేస్తుందన్నారు. సాంకేతిక పరిజ్ఞానాన్ని వినియోగించుకుంటూ భారత్ అభివృద్ధి పథంలో నడుస్తోందన్నారు. భారతదేశం ఐటి ఇన్నోవేషన్స్ ప్రదర్శనా కేంద్రంగా కాకుండా, వాటిని అనుసంధానం చేసుకుని అమల్లోకి తెస్తే మరింత వృద్ధి సాధిస్తుందని అభిప్రాయపడ్డారు. అలాగే భారత పారిశ్రామిక వేత్తలు ఆధునిక సాంకేతిక పరిజ్ఞానాన్ని అందిపుచ్చుకోవాలన్నారు. ఇండియన్ ఇన్నోవేషన్ అసోసియేషన్ అధ్యక్షుడు ఎఎస్ రావు మాట్లాడుతూ జాతీయ, అంతర్జాతీయంగా వస్తున్న ఆధునిక ఆలోచనలను ఒకే వేదికపై పంచుకోవడం ద్వారా సాంకేతిత పరిజ్ఞాన మార్పిడి జరుగుతుందన్నారు. కార్యక్రమంలో విశాఖ ఎంపి కంభంపాటి హరిబాబు, ఐటి శాఖ ప్రత్యేక కార్యదర్శి విజయానంద్, ఐటి సలహాదారు జెఎ చౌదరి, ఎపి ఇన్నోవేషన్ టెక్నాలజీ సిఇఓ వి.వల్లీ కుమారి తదితరులు ప్రసంగించారు.
చిత్రం..ఇంటర్నేషనల్ ఇన్నోవేషన్స్ ఫెయిర్‌లో ప్రసంగిస్తున్న ఐటి మంత్రి నారా లోకేష్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.