రాష్ట్రీయం
మహిళా శక్తి మరువద్దు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 16: దేశం మరింతగా అభివృద్ధి చెందాలంటే ప్రభుత్వం, ప్రైవేటు భాగస్వామ్యం అవసరం ఎంతైనా ఉందని ఉప రాష్టప్రతి వెంకయ్యనాయుడు అన్నారు. శనివారం ఉప్పల్‌లోని అడ్వాన్స్‌డ్ ట్రైనింగ్ ఇనిస్టిట్యూట్ ప్రాంతీయ శిక్షణ సంస్థ ఏర్పాటు చేసిన కార్యక్రమంలో ముఖ్యఅతిథిగా హాజరై సంస్థ భవన నిర్మాణానికి శంకుస్థాపన చేశారు.
దేశంలో మహిళలకు సైతం సమాన అవకాశాలు కల్పించినపుడే మరింత అభివృద్ధి సాధ్యమన్నారు. ప్రతి వ్యక్తిలో దాగివున్న ప్రతిభకు ఆధునిక సాంకేతిక పరిజ్ఞానంతో మరింత పదును పెడితే అద్భుత ఫలితాలను సాధించవచ్చన్నారు. ఆర్ధికంగా, రాజకీయంగానే కాకుండా ప్రతి ఒక్క రంగంలోనూ సాధికారతను కలిగి ఉండేట్టు చేయడం కోసం శాయశక్తుల కృషి జరగాలని వెంకయ్య వివరించారు. వేదకాలం నుంచి మహిళలకు భారతదేశం పెద్ద పీట వేస్తూ వస్తోందన్నారు. స్వాతంత్య్రం వచ్చిన నాటి నుండి మహిళలకు విద్య, ఆస్తి హక్కు వంటి అన్ని విషయాల్లో ప్రాధాన్యం ఇస్తోందన్నారు. భేటి బచావో- భేటీ పడావో కార్యక్రమం ఆడపిల్లలకు చదువు చెప్పించి, సాధికారతను అందించే దిశగా వేసిన ముందడుగు అవుతుందన్నారు. భారతదేశంలో మొత్తం శ్రామికుల్లో 47 శాతం మాత్రమే నైపుణ్యం పొందిన వారని తేలిందని, అదే జర్మనీలో 73 శాతం, జపాన్‌లో 80 శాతం, దక్షిణ కొరియాలో 96 శాతం నైపుణ్యవంతులు ఉన్నారని వివరించారు. వృత్తి విద్యా శిక్షణ అందించడం ద్వారా నైపుణ్య కొరతను తీర్చవచ్చని పేర్కొన్నారు. దేశవ్యాప్తంగా పారిశ్రామిక శిక్షణ సంస్థల ద్వారా విద్యార్థులకు శిక్షణ ఇచ్చి వారిని కూడా సుశిక్షితులుగా తీర్చిదిద్దగలుగుతున్నామని చెప్పారు. అయితే వీటిలో ఆరోగ్య సంరక్షణ, యాత్ర పర్యటన పరిశ్రమ, ప్యాకేజింగ్ ఇంకా ప్రింటింగ్‌లలోనూ శిక్షణ అందించాలని ఉప రాష్టప్రతి సూచించారు. మహిళా ఔత్సాహిక పారిశ్రామిక వేత్తలకు అండదండలు అందించడంలో ముద్రా బ్యాంకు ప్రముఖ పాత్ర పోషించగలదని ఉప రాష్టప్రతి అన్నారు. బ్యాంకులు సిడ్బీ వంటి సంస్థలతో సైతం అనుబంధం ఏర్పరుచుకోవాలని సలహా ఇచ్చారు. ఈ సందర్భంగా పెట్రోలియం మంత్రి ధర్మేంద్ర ప్రధాన్ మాట్లాడుతూ ప్రతి రాష్ట్రంలో ప్రాంతీయ వృత్తి విద్య శిక్షణ సంస్థలు ఏర్పాటు చేస్తున్నామని, ప్రస్తుతం 17 శిక్షణ సంస్థలు పనిచేస్తున్నాయని చెప్పారు. తెలంగాణ రాష్ట్రంలో ఏర్పడిన ఆర్‌విటిఐ తొలి సంస్థ అని దీనికి 19.5 కోట్ల రూపాయిలు కేటాయించనట్టు చెప్పారు. ఈ కార్యక్రమంలో తెలగాణ ఉప ముఖ్యమంత్రి మహమూద్ అలి, హోం మంత్రి నాయని నర్సింహారెడ్డి, సికింద్రాబాద్ ఎంపి బండారు దత్తాత్రేయ, ముషీరాబాద్ ఎమ్మెల్యే డాక్టర్ కె లక్ష్మణ్ తదితరులు పాల్గొన్నారు.
చిత్రం..ఉప్పల్‌లో అడ్వాన్స్‌డ్ ట్రైనింగ్ ఇనిస్టిట్యూట్ ప్రాంతీయ శిక్షణ
సంస్థను ప్రారంభిస్తున్న ఉప రాష్టప్రతి వెంకయ్యనాయుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.