రాష్ట్రీయం
త్వరితగతిన కేసులు పరిష్కరించాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 16: వినియోగదారుల ఫోరంలో దాదాపు 10 వేల కేసులు గత 20 ఏళ్లుగా పెండింగ్‌లో ఉన్నాయని సుప్రీంకోర్టు అపాయింటెడ్ కమిటి (ఎస్‌సిఎసి) చైర్మన్ జస్టిస్ అర్జిత్ పశాయత్ పేర్కొన్నారు. వినియోగదారుల ఫోరంల రెండురోజుల ప్రాంతీయ సమావేశాన్ని శనివారం హైదరాబాద్‌లోని మెర్క్యూరీ హోటల్‌లో ఆయన ప్రారంభించారు.
ఈ సందర్భంగా మాట్లాడుతూ, ప్రభుత్వాలు వినియోగదారుల ఫోరంల విషయంలో నిర్లక్ష్యంగా ఉంటున్నాయని గత 18 నెలలల్లోతాము చేసిన పర్యటనల సందర్భంగా గుర్తించామన్నారు. ప్రభుత్వ నిర్లక్ష్యం వల్లనే వినియోగదారుల ఫోరంలలో చైర్మన్లు, మెంబర్ల ఖాళీలు భర్తీ కావడం లేదని, దాంతో కేసులు వేల సంఖ్యలో పెండింగ్‌లో ఉంటున్నాయన్నారు. వినియోదారుల ఫోరంల సభ్యుల వేతనాలు, అలవెన్సులను గౌరవప్రదంగా ఉండేలా పెంచాలని సూచించారు. ఫోరంలలో వాస్తవంగా ఎదురౌతున్న ఇక్కట్లు, సమస్యల గురించి సభ్యులు సుప్రీంకోర్టుకు లిఖితపూర్వకంగా తెలియచేస్తే, పరిష్కారం లభిస్తుందన్నారు.
వినియోగదారుల ఫోరంలకు సంబంధించి ప్రత్యేక మంత్రిత్వ శాఖలను కేంద్రంలోనూ, రాష్ట్రాల్లోనూ ఏర్పాటు చేయాల్సిన అవసరం ఉందని కర్నాటక రాష్ట్ర పౌరసరఫరాలు, వినియోగదారుల మంత్రి యు.టి. ఖాదర్ పేర్కొన్నారు. వినియోగదారుల రక్షణకు సంబంధించి ప్రజల్లో పూర్తి అవగాహన ఇంకారాలేదన్నారు. విదేశాల్లో వినియోగదారుల ఫోరంలకు అత్యంత ప్రాధాన్యత ఉంటుందని గుర్తు చేశారు.
జాతీయ వినియోగదారుల చట్టం 1986 లో ఏర్పడ్డ తర్వాత సమాజంలో ఆర్థిక, సామాజిక, రాజకీయ పరిస్థితుల్లో అనేక మార్పులు చోటు చేసుకున్నాయని రాష్ట్ర పౌరసరఫరాల కమిషన్ సి.వి. ఆనంద్ పేర్కొన్నారు. ప్రస్తుత పరిస్థితులకు అనుగుణంగా జాతీయ వినియోగదారుల చట్టంలో మార్పులు, చేర్పులు చేయాల్సి ఉందన్నారు. వినియోగదారుల హక్కులపై ప్రజల్లో అవగాహన కల్పించాల్సి ఉందన్నారు. వినియోగదారుల ఫోరంలో కేసులు త్వరగా పరిష్కారం కోసం రాష్ట్ర, జిల్లాస్థాయిలలోని ఫోరంలలో ఖాళీలు ఎప్పటికప్పుడు భర్తీ చేయాలని సూచించారు.
చిత్రం..శనివారం హైదరాబాద్‌లో వినియోగదారుల ఫోరం సమావేశంలో ప్రసంగిస్తున్న జస్టిస్ పశాయత్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.