రాష్ట్రీయం
పైరుపచ్చని ఆంధ్ర
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, సెప్టెంబర్ 17: పర్యావరణ పరిరక్షణ ప్రతి ఒక్కరి జీవనంలో భాగం కావాలని సిఎం చంద్రబాబు పిలుపునిచ్చారు. నేషనల్ గ్రీన్ ట్రిబ్యునల్, ఆంధ్ర, తెలంగాణ రాష్ట్రాల కాలుష్య నియంత్రణ మండలి సంయుక్తంగా విశాఖలో రెండు రోజుల పాటు నిర్వహించిన ప్రాంతీయ సదస్సు ముగింపు సమావేశం ఆదివారం జరిగింది. ముఖ్య అతిథిగా చంద్రబాబు మాట్లాడుతూ పర్యావరణం అంటే ఏదో సాంకేతిక అంశమని చాలామంది పట్టించుకోవడం లేదని అన్నారు. ప్రకృతి ప్రసాదించిన వనరులను సద్వినియోగం చేసుకునేలా ప్రజలను చైతన్యవంతులను చేసేందుకు ఏరువాక, జలసిరికి హారతి, వనం- మనం కార్యక్రమాలకు రూపకల్పన చేశామన్నారు. మన చుట్టూ ఉన్న పర్యావరణాన్ని పరిశుభ్రంగా ఉంచుకుంటే, రాష్ట్రం, తద్వారా దేశం బాగుపడుందన్నారు. దీనిపై ప్రజల్లో అవగాహన కల్పించాలని చంద్రబాబు సూచించారు. పర్యావరణ పరిరక్షణ కోసం తమ ప్రభుత్వం అనేక చర్యలు చేపట్టిందన్నారు. విద్యుత్ రంగంలో విప్లవాత్మక మార్పులు తీసుకువస్తున్నామన్నారు. ధర్మల్, హైడల్ విద్యుత్ స్థానే సోలార్ విద్యుత్‌ను పెద్ద ఎత్తున వాడకంలోకి తెస్తున్నామని తెలిపారు. 2020నాటికి 30 శాతం, 2029 నాటికి 50 నుంచి 60 శాతం సోలార్ విద్యుత్‌ను వినియోగంలోకి తీసుకురానున్నామని చెప్పారు. రాష్ట్రంలో ప్రస్తుతం 23 శాతం గ్రీన్ కవర్ ఉందని, 2029 నాటికి దీన్ని 50 శాతానికి పెంచాలన్న లక్ష్యంతో పనిచేస్తున్నామని చెప్పారు. వాతావరణ పరిరక్షణలో భాగంగా వ్యవసాయంలో రసాయనాలు, ఎరువుల వాడకాన్ని చాలావరకూ తగ్గించామని చంద్రబాబు వివరించారు. సేంద్రీయ ఎరువుకు అధిక ప్రాధాన్యం ఇస్తున్నామన్నారు. గ్రామాల్లో ఘన వ్యర్థాలు రోజు రోజుకూ పెరిగిపోతోందని ఆందోళన వ్యక్తం చేశారు. దీనిని డంపింగ్ యార్డులకు తరలించడం వలన మరికొన్ని సమస్యలు తలెత్తుతున్నాయని, ఇవి వాతావరణాన్ని పూర్తిగా కలుషితం చేస్తున్నాయని చెప్పారు. పట్టణాల్లోని ఘన వ్యర్థాలను విద్యుదుత్పత్తికి వినియోగిస్తామని, గ్రామాల్లో కంపోస్ట్‌గా మార్చనున్నామన్నారు. వచ్చే రెండు, మూడేళ్లలో రాష్ట్రంలో ఘన వ్యర్థాలు బయట ఎక్కడా కనిపించవని హామీ ఇచ్చారు. అలాగే సీవేజ్ ట్రీట్‌మెంట్ ప్లాంట్లను కూడా ఎక్కడకక్కడ ఏర్పాటు చేస్తామని చెప్పరు. ప్రధాని మోదీ పిలుపుమేరకు రాష్ట్రంలో స్వచ్ఛ భారత్‌ను పూర్తిస్థాయిలో అమలు చేస్తున్నామన్నారు. రాష్ట్రంలో ఇప్పటి వరకూ 100 మున్సిపాలిటీలను మల విసర్జన రహిత మున్సిపాలిటీలుగా ప్రకటించామన్నారు. అలాగే నాలుగు వేల గ్రామాలను మల విసర్జన రహిత గ్రామాలుగా ప్రకటించామని, 2018 నాటికి 100 శాతం గ్రామాలు మల విసర్జన రహిత గ్రామాలుగా మారనున్నాయని చంద్రబాబు చెప్పారు. పర్యావరణ పరిరక్షణలో గ్రీన్ ట్రిబ్యునల్ విశేషమైన పాత్ర పోషిస్తోందన్నారు. నిర్ణీత కాలవ్యవధిలోనే 82 కేసులను పరిష్కరించడం ముదావహమని చంద్రబాబు అన్నారు. కార్యక్రమంలో రాష్ట్ర మంత్రులు అయ్యన్నపాత్రుడు, సిద్దా రాఘవరావు, గంటా శ్రీనివాసరావు, ఎంపి హరిబాబు తదితరులు పాల్గొన్నారు.
చిత్రం..పర్యావరణ పరిరక్షణ సదస్సులో మాట్లాడుతున్న సిఎం చంద్రబాబునాయుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.